Fərqli bir dad axtarırsınızsa, “Gencaile.az”-ın təqdim etdiyi qadın budu küftəsini sınaqdan keçirin. Adı qəribə səslənsə də, dadı fərqli və ləzzətli olacaq.
Tərkibindəkilər:
– Yarım kilo ət qiyməsi
– 1 stəkan düyü
– 1 ədəd soğan
– 1 ədəd yumurta
– İstiot, duz, cirə
Qızartmaq üçün:
– Duru yağ
– 2 yumurta
– 1 stəkan un
Hazırlanma qaydası:
Düyüləri yumşalana kimi suda saxlayın. Soğanı nazik-nazik doğrayın. Yarım kilo ət qiyməsinin yarısını bu soğanlarla qovurun.
Qovurduğunuz qiyməni, çiy qiyməni və düyünü böyük bir qaba tökün. Üzərinə 1 ədəd yumurta, duz, istiot və cirə əlavə edib yaxşıca yoğurun. Yoğurduğunuz əti bir müddət soyuducuda saxlayın.
Sonra ondan yumurta böyüklüyündə küftələr hazırlayıb əlinizlə azca yastılaşdırın. Dərin kasaya 2 ədəd yumurta və duz töküb yaxşı çalın. Küftələri ilk öncə una, daha sonra kasada çaldığınız yumurtaya batırıb yağda yaxşı qızardın. Nuş olsun!
