film

Bakıda çəkilən məşhur xarici filmlər – FOTOLAR

Baxış sayı: 1. 908

Tarixi qədimliyi ilə müasirliyin sintezi sayılan Bakı SSRİ-nin bir çox məşhur filmlərinin çəkiliş meydançalarına çevrilib. Paytaxtımızın tarixi yerləri bir zaman ittifaq rejissorlarının diqqətini cəlb edib.

Bu səbəbdən də onlar çəkiliş qrupları ilə Bakıya üz tutaraq, ekran əsərlərindəki qədim dövrləri, “xarici dövlətlər”in şəhərlərini əks etdirən səhnələri şəhərimizdə lentə alıblar. “Brilyant əl”, “Amfibiya adam”, “Tehran 43” kimi əvəzolunmaz filmlərin bəzi hissələri məhz Bakıda çəkilib. Bu səbəbdən hazırda da MDB ölkələrində kino xatirələrinə çevrilmiş “russko turisto”, “çiqle-çiqel”, “xam duralya”, “çert poberi” məsəlləri əbədi olaraq dillərə düşüb.

“Gencaile.az” Publika.az-a istinadən həmin filmlərin çəkildiyi məkanları təqdim edir.

1961-ci ildə Vladimir Korenevin baş rolda çəkildiyi “Amfibiya adam” filminin bir hissəsi məhz doğma Bakımızda lentə alınıb. “Əcnəbi” İxtiandrın filmdə ilk dəfə şəhərə çıxdığı yer Amerikanın, Qərbin yox, Bakının bir guşəsidir.

Filmdəki fontan əslində quraşdırmadır. Əslində burada heç vaxt fontan olmayıb. Bura əslində adi meydandır. Yeri gəlmişkən, “Amfibiya adam” filminin iki əsas qəhrəmanı Bakıya məftun olduqlarından filmin çəkilişlərindən sonra axşamlar paytaxtımızda küçələrində gəzirdilər.

Düzdür, burada çox şey dəyişilib. Amma dəyişilən təkcə məkan deyil, 1961-ci ildən də 55 il ötür.

Filmdə Quttierə məxsus mağazanın olduğu yer də Bakıya aiddir. Fotolardan da göründüyü kimi küçədəki bina əsaslı şəkildə dəyişdirilib. Ev suvaqlanıb və girişlər bağlanıb.

Balkon da dəyişilib. Yeri gəlmişkən, “Qorxma mən səninləyəm” filmi də məhz burada çəkilib.

1980-ci ildə SSRİ kinematoqrafçıları Almaniya, İtaliya, Fransa, Britaniyada “Tehran-43” filminin çəkilişlərinə başlayırlar. Plana əsasən, filmin bir hissəsi Tehranda lentə alınmalı idi. Lakin həmin illərdə İranda müharibə olduğundan rejissorlar filmin Tehran hissəsini Bakıda çəkməyə məcbur olurlar.

Filmin çəkildiyi yerlər çox dəyişidiyindən bəzi ərazilər tamam tanınmaz olub.

Bakı 1969-cu ildə “Brilyant əl” filminin çəkiliş qrupunu da qarşıladı. Filmin əsas qəhrəmanlarının çəkildikləri yerlər indi də bəzi dəyişiklikləri ilə qalmaqdadır.

“Semyon Semyonoviç”in yenicə tanış olduğu Gennadi Kozonoevi axtardığı küçələr, nəhayət “çert poberi” səhnəsi bundan sonra da hələ bir neçə on il kinosevərlərin yadından çıxmayacaq.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir