İDMAN

Bayramdan sonra necə arıqlayaq? – TÖVSİYƏLƏR

Baxış sayı: 2. 962

Pəhriz saxlayır və məşq edirsiniz? Amma heç arıqlaya bilmirsiniz? Heç düşünürsünüz bəlkə nəyisə səhv edirsiniz? Bu suallarınıza cavab tapmaq üçün effektli məşq üçün 6 məsləhəti sizinlə paylaşırıq. Verdiyimiz ipucları, xüsusilə, bayram günlərindən sonra gərəyiniz olacaq.

1. Müasir dövrdə qadınların istər evdə, istərsə də, idman zallarında məşq edərkən ən böyük səhvləri tez arıqlamağa çalışmaqlarıdır. Çünki onlar tez nəticə görmək istəyirlər. Bunun üçün də çox məşqlər, ağır hərəkətlər etməyə çalışırlar. Amma nəticədə bədən yorulur, stress, yuxusuzluq, müqavimətsizlik yaranır. Buna görə də, çox güc sərf edərək effektiv arıqlamaq olmaz. Çünki məşq öz səmərəsini itirəcək. İlk başlarda məşqin həcmini böyütməyə ehtiyac yoxdur. Məşqə başlayanda əsas qaydanız bu olmalıdır: Bədən yavaş-yavaş yüklənməyə hazır olmalıdır.

2. Məşqə başlamamışdan əvvəl mütləq özünüzə bir günü test günü elan edin. Zalda idman edəcəksinizsə məşqçinizi tanıyın, hansı hərəkətləri etməyə qadir olduğunuzu müəyyən edin. Qan damarlarında və ürəyində problemi olanlar qaçış hərəkətləri etməsələr yaxşı olar. Buna görə də, əvvəlcədən test sizin faktiki gücünüzü göstərəcək.

3. Əgər idman zalında çəki atmaq istəyirsinizsə seçdiyiniz fiziki aktivlik hədəflərinizdən aslı olmalıdır. Əzələ yığmaq arzusundasınızsa ağırlıq hərəkətləri etmək lazımdır. Yox, əgər hədəfiniz çəki atmaq və bədən quruluşunuzu formaya salmaqdırsa o zaman funksional və kardio məşqlərə üstünlük verin. Düzgün  çəki atmaq üçün güc və kardio məşqlərin yükünü orqanizmin qəbul etməsilə uyğunlaşdırmaq lazımdır. Belə etdikdə, orqanizm daima istənilən hərəkət yükünə hazır olacaq və tez bir zamanda əlavə kalori yandıracaq. Və doğru arıqlamaq üsulu düzgün hərəkətlərlə yanaşı sizə uyğun olan düzgün pəhrizi də saxlamaqdır.

4. Məşqə başlayanda birinci sakit hərəkətlərlə başlamalısınız. Kiçik hərəkətləri təkrar-təkrar etməlisiniz. Kardio məşqlərdə isə ürəyin döyülmə sürəti 150-ni keçməməlidir.

5. Məşqdən sonra ağır qidalar qəti surətdə yeməyin. Əvəzində smuzi kimi yüngül qidalara, içkilərə üstünlük verə bilərsiniz. Onlar sizin itirdiyiniz kalorini geri qaytarmayacaq.

6. Gün ərzində 2 litr su için. Bu haqda əvvəlki yazılarımızda daha geniş məlumat vermişik. Suyu yeməkdən əvvəl içsəniz daha yaxşıdır. Çünki yeməkdən əvvəl içilən su sizin az yemək qəbul etməyinizə səbəb olacaq. Yemək zamanı və gecə su içməyin. Yemək zamanı içilən su qidanın həzminə mane olur, gecə içilən su isə səhər şişməyinizə səbəb olur. Məşq zamanı isə su qadağan edilməyib. Çünki məşq zamanı bədən çox maye itirir və onu bərpa etmək lazımdır. Amma bu zaman diqqət etmək lazımdır ki, suyun istiliyi balanslı olsun. Nə çox isti, nə də ki, çox soyuq olsun.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir