bosanma

Boşanmanın hüquqi tərəfləri

Baxış sayı: 828

Nikahın pozulmasının qeydə alınması Azərbaycan Respublikasının Ədliyyə Nazirliyinin şəhər və rayon qeydiyyat şöbələri və “ASAN xidmət” mərkəzləri tərəfindən həyata keçirilir.

Bunun üçün aşağıdakı sənədlər təqdim olunmalıdır:

• Yetkinlik yaşına çatmayan ümumi uşaqları olmayan ər-arvadın nikahın pozulması haqqında birgə razılıq ərizəsi;

• Ərizə verən şəxslərin şəxsiyyətini təsdiq edən sənədlər;

• Yetkinlik yaşına çatmayan ümumi uşaqların olmasından asılı olmayaraq ərin (arvadın) ərizəsi əsasında nikahın pozulması aşağıdakı sənədlər təqdim edildikdə aparılır:

– ərin və ya arvadın xəbərsiz itkin düşməsi barədə məhkəmənin qanuni qüvvəyə minmiş qətnaməsi;

– ərin və ya arvadın fəaliyyət qabiliyyəti olmayan hesab edilməsi barədə məhkəmənin qanuni qüvvəyə minmiş qətnaməsi.

• Məhkəmə qaydasında fəaliyyət qabiliyyəti olmayan hesab edilən ərin (arvadın) qəyyumunun ərizəsi;

• Nikahın pozulması haqqında məhkəmənin qanuni qüvvəyə minmiş qətnaməsi;

• Nikahın etibarsız sayılması barədə məhkəmənin qanuni qüvvəyə minmiş qətnaməsi;

• Ər (arvadın) birgə ərizəsi və ya ərin (arvadın) ərizəsi əsasında nikah pozulduqda nikah haqqında şəhadətnamə;

• Dövlət rüsumunun ödənilməsi barədə qəbz.

Nikahın pozulması üçün həm elektron qaydada (https://www.e-gov.az/az/services/read/3238/1) müraciət oluna, həm də xidmət yerinə gəlməklə həyata keçirilə bilər.

Nəticədə:

• Nikahın pozulması haqqında şəhadətnamələr verilir.

• Müraciət elektron formada edildikdə nikahın pozulmasının dövlət qeydiyyatına alınması halından asılı olaraq ər-arvad və ya onlardan birinin iştirakı ilə nikahın pozulması haqqında vətəndaşlıq vəziyyəti aktının dövlət qeydiyyatı aparılır və bu barədə şəhadətnamənin təqdim edilməsi üçün ər-arvad və ya onlardan biri qeydiyyat orqanına dəvət olunur.

bosanma

Dövlət rüsumunun məbləği:

• Yetkinlik yaşına çatmamış ümumi uşaqları olmayan ər-arvadın qarşılıqlı razılığı əsasında – 15 manat;

• Məhkəmə qətnaməsi əsasında (qətnamədə dövlət rüsumunu tərəflərdən hansının ödəməli olduğu göstərilmədikdə, qeydiyyat üçün birinci müraciət etmiş tərəfdən) – 15 manat;

• Digər tərəf müəyyən edilmiş qaydada xəbərsiz itkin düşmüş, yaxud fəaliyyət qabiliyyəti olmayan şəxs hesab edilmişsə – 2 manat dövlət rüsumu ödənilməlidir.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir