Dietoloq Nərgiz Nəzirova bildirib ki, insanların qəbul etdiyi kalori miqdarı onun iş və aktivliyindən asılı olaraq dəyişə bilər. Məsələn, eyni çəkidə olan bir insan ağır işlərlə məşğul olursa, passiv həyat tərzi keçirən şəxslə müqayisədə daha çox kalorili qida qəbul edə bilər.
Dietoloqun sözlərinə görə, vücudun ehtiyacı olan kalori miqdarı insanın işi, gündəlik həyat tərzi ilə birbaşa bağlıdır.
“Təxminən 50 kq çəkisi olan insan hər gün 1680 kaloriyə ehtiyac duyur. Lakin bu miqdar tam istirahətlə keçən bir gün üçündür. Əgər insan masa başında çalışırsa, bu ehtiyacı 3360, ağır işdə çalışırsa 6720 kaloridir. Səhər yeməyi isə mütləqdir. Bu yeməyin kalorisinin 750 olması tövsiyə olunur”, – həkim bildirib. (“Publika.az”)
