deri

Dəridə mövsümü dəyişikliklərlə necə mübarizə aparmalı?

Baxış sayı: 470

Gözəl və baxımlı olmaq üçün müxtəlif krem və vasitələrdən istifadə olunur. Xüsusilə mövsüm dəyişəndə kosmetoloqlar xüsusi tövsiyələr verirlər.

İlk növbədə xanımlar bilməlidirlər ki, istənilən dermatoloji və kosmetoloji prosedurlar təmiz dəriyə tətbiq edilməlidir. Hətta gündəlik istifadə olunan nəmləndirici kremləri də ənənəyə sadiq qalaraq hər səhər təmiz dəriyə çəkmək lazımdır.

Mövzuya münasibət bildirən həkim-kosmetoloq Sevinc Abdullayeva aşağıdakıları dedi: “Yaydan payıza keçərkən kosmetoloqların tövsiyə etdiyi prosedurlardan biri də üz dərisini ləkələrdən xilas edən pilinqdir. Pilinq həftədə bir dəfə 10-15 dəqiqə ərzində dəriyə yeridilir. Onun neçə vaxtdan bir aparılmağı dəridən asılıdır, minimum 3-4, maksimum 7-8 prosedur yerinə yetirilir”.

Onun dediyinə görə, prosedurlar dəri növünə və yaşa görə fərdi olaraq təyin edilir. Evdə A, S və E vitaminlərinin qəbul edilməsi kollageni stimullaşdırır, dərini bərpa edir. Lakin bu, yalnız vitamin qəbul edilməsi və nəmləndirici krem qəbul etməklə başa gəlmir. Dərini daxildən də nəmləndirmək lazımdır. Bunun üçün çoxlu su qəbul edilməlidir.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir