Gələcəklərinin əllərinin içərisindəki bəsit cizgilərdən ibarət olmasına bir çox insan inanmır. Bunu batil bir inanc kimi qəbul edənlər də var.
Lakin əl cizgiləri ilə bağlı önəmli bir detal var ki, bu cizgilər yalnız keçmişdə tarixi şəxsiyyətlərin ovucunda olub. Söhbət hər iki əlin içərisində X işarəsinin olmasından gedir. Xarici mətbuatın qeyd etdiyinə görə, hər iki əlində X işarəsi olan şəxslərin əksəriyyəti tarixi şəxsiyyətlər olub.
Sizə bu cizgilərlə bağlı maraqlı faktları təqdim edirik.
İlk öncə Böyük İsgəndər haqqında məlumat verək. İsgəndərin böyük bir lider olacağı öncədən söylənilmişdi. Çünki o zamanlar da bu inanc var idi.
Rusiyanın STİ universitetində də aparılan araşdırmalar sonrası bu qənaətə gəlinib. Universitetin açıqlamasına görə, hər iki əlində X işarəsi olan şəxs fərqli özəlliklərə malikdir.
Qeyd edək ki, Rusiyanın prezidenti də bu siyahıdadır. Onun da hər iki əlində bu işarə var.
ABŞ-ın 16-cı prezidenti olmuş Avraam Linkolnda da bu özəllik olub.
Araşdırmalara görə, hər iki əlində X işarəsi olan şəxslər güclü bir xarakterə sahib olurlar. Eyni zamanda hər hansı bir plana ehtiyac duymadan hədəflərinə çata bilmə qabiliyyətinə də malikdirlər.
Qərar verdikləri şeylər üzərində çətinlik çəkmədən müvəffəqiyyətli ola bilirlər. İnsanları çox yaxşı tanıma qabiliyyətinə malikdirlər. Buna görə də onları aldatmaq çox çətindir.
Fiziki olaraq çox güclü görünməsələr belə, döyüş anında çox vaxt qazanan tərəf olurlar. Hər zaman istədikləri həyatları əldə etmək üçün həyatlarının yönünü dəyişdirmək qabiliyyətinə sahibdirlər. Eyni zamanda digər insanların həyatlarına da asanlıqla təsir edə bilərlər.
Siz də hər iki əlinizə baxın. Hər iki ovucunuzda X işarəsinə sahibsinizmi?
Turan Oruc,
Musavat.com
