ev

İnteryer trendləri – Memar-dizaynerdən ilin məsləhəti

Baxış sayı: 703

“Dizayn hər il yenilənən, dəbli tendensiyalar yaradan sahələrdən biridi. 2021-ci ildə interyer aləmində iddialı rənglər, naxışlar, fərqli materiallara  üstünlük veriləcək.”

“Gencaile.az” saytı xəbər verir ki, bu fikirləri Lent.az-a açıqlamasında “TOSCAN” İnşaat şirkətinin  direktoru Nuran Yasinova deyib.

Memar-dizayner qeyd edir ki, bu il gözoxşayan, o qədər də incə olmayan naxış və formalar, çəmən yaşılı, retro narıncı və zərif firuzə kimi açıq rənglərə hazır olmalıyıq:

“İlin ilk yarısını evdə keçirəcəyimizi bildiyimiz üçün dəbli toxunuşlarla daxili məkanı daha əyləncəli etmək mümkündür. Mətbəx interyerində, dolablarda boz tonlardan istifadənin kəskin azalacağı gözlənilir. Buna səbəb məkan daxilinin daha soyuq görünməsidi. Yataq otağı interyerində isə parlaq rənglər qatmadan bəyaz tonlara  və açıq rəngli naxışlardan istifadəyə üstünlük veriləcək.

Neytral tonlar həmişə populyar görünsə də, bu il rənglərdə böyük bir hərəkətlilik, naxış oyunları, qəhvəyi ağac materialından çox istifadə olunacaq.”

Nuran Yasinova bildirir ki, çiçək teksturalı divar kağızları, antik rəsmlər, zərif plitələr, toxunma pərdələr və qədimi toxunuşlar bu il üstünlük təşkil edəcək.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir