is

İş təkliflərindən necə imtina etməli?

Baxış sayı: 864

Vakansiya sizə uyğun gəlmir, işəgötürənin təklifindən imtina etməyi qərara almısınız, ancaq körpüləri yandırmaq istəmirsiniz. Bu xəbəri necə düzgün şəkildə bildirmək lazım olduğunu bilmək istəyirsinizsə, bu yazını sona qədər oxumağı tövsiyə edirik.

Kiməsə rədd cavabı vermək asan iş deyil, odur ki, bunu tez bir zamanda etməlisiniz və cavabı gecikdirməməlisiniz. Beləliklə, həm siz daha az stress keçirdəcəksiniz, həm də rekruter sizdən cavab gözləmək əvəzinə yeni namizəd axtarmağa başlayacaq. Hər ikinizin vaxtına qənaət etmiş olacaqsınız. İnanın, tez və aydın bir cavab meneceri məmnun edəcək.

Rədd cavabı verməyin ən geniş yayılmış üsulu elektron poçtla məktub göndərməkdir. Peşəkar olun, qısaca və mahiyyətə uyğun yazın, nəzakət qaydalarını da unutmayın: təklif üçün səmimi təşəkkürünüzü bildirin, namizəd axtarışında müvəffəqiyyət arzulayın.

İşəgötürənlə münasibəti korlamamaq və gələcəkdə bu şirkətdə ürəyinizcə olan bir vakansiyaya iddia edə bilmək üçün bu qaydalara əməl edin:

 

Rekruteri aldatmayın

Dünya balacadır, çox güman ki, HR-menecer həmkarları ilə əlaqə saxlayır. İmtinanın səbəbləri barədə yalan danışsanız, nə vaxtsa ortaya çıxacaq. Boş yerə nüfuzunuza xələl gətirməyin. Dürüst və açıq bir insan kimi yadda qalın, bu, bəhanələr uydurmaqdan daha yüksək qiymətləndirilir.

 

Lazımsız detallara girməyin

İşəgötürənin imtina etməyinizin bütün səbəblərini bilməyi lazım deyil, yalnız ən əsas səbəbi qeyd edin. Qərarınızın qəti olduğunu HR-mütəxəssisə bildirin. Beləliklə, özünüzün və menecerin zamanını israf etməzsiniz.

 

Təşəkkürünüzü bildirin

İş təklifinə görə təşəkkür etməyi unutmayın. Adi təşəkkür belə şirkətə hörmət etdiyinizi göstərir. İlk baxışdan xırdalıq kimi görünsə belə bu addım sizi digər namizədlərdən fərqləndirəcək və imtina məktubu yazmış olsanız da sizin barənizdə xoş təəssürat yaradacaq. İşəgötürən şirkətə olan yaxşı münasibətinizi xatırlayacaq və gələcəkdə onunla yenidən qarşılaşsanız, sizə qarşı daha yaxşı mövqedə olacaq.

 

Bəzən zəng etmək daha yaxşıdır

Əvvəllər işəgötürənlə yalnız telefonla əlaqə yaratmısınızsa, onda poçt vasitəsilə rədd cavabı vermək çox yersiz alınacaq. İstənilən vəziyyətdə peşəkarlığını qorumaq lazımdır. Zəng edərək HR-menecerə işdən imtina barədə bildirsəniz, o, bunu daha yaxşı qəbul edəcək. Üstəlik, səsiniz minnətdarlığınızı və ya təəssüf hissinizi daha gözəl ifadə etməyə kömək edəcək.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir