kabab

Kababı bu dəfə yuxa ilə hazırlayın – “YEMƏYƏ NƏ VAR?”

Baxış sayı: 176

Mətbəxdə fərqli ləzzətllər hazırlamaq istəyənlər daim yeni axtarışlar edirlər. Alışıq olduğumuz yeməkləri fərqli formlarda və dadlarda bişirmək istəyirlər. “Gencaile.az”-ın “Yeməyə nə var?”rubrikasında bu dəfə sizə fərqli bir yeməyin bişirilmə qaydasını təqdim edirik.

 

Yuxa kababı üçün lazım olanlar:

400 qr yağlı qıyma

1 ədəd yuxa

1 çay qaşığı bibər tomatı

5 diş sarımsaq

1 ədəd soğan

2 kasa qatıq (servis üçün)

1 çay qaşığı istiot

1 çay qaşığı duz

 

Sousu üçün:

3 xörək qaşığı kərə yağı

1 yemək qaşığı pomidor tomatı

2 xörək qaşığı duru yağ

 

Hazırlanması:

Qıymanı geniş bir qaba qoyub, üzərinə rəndələnmiş soğan və sarımsaq əlavə edin. Tomat, duz və istiot da töküb yaxşıca qarışdırın. Yuxanı stola sərib iki yerə bölün.

Qarışdırdığınız qıymanı yuxanın geniş kənarına qoyun. Sonra yuxanı rulet şəklində bükün. Eyni prosesi digər yuxaya da tətbiq edin. Yuxaları əvvəlcədən qızdırılmış 200 dərəcəlik sobada üzəri qızarına qədər bişirin. Qıymalı yuxalar bişərkən bir yandan sousunu hazırlamaq üçün kərə yağını tavada əridin. Əriyən kərə yağına duru yağı və tomatı əlavə edin. (Sous qatı olarsa, az miqdarda su əlavə edə bilərsiniz). Qızaran yuxaları sobadan çıxarıb servis boşqabına qoyun. Üzərinə bişən tomatlı sousu gəzdirin. Yanına qatıq qoyaraq isti-isti servis edin.

 

Nuş olsun!




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir