palto dəbi

Mövsümün ekstravaqant palto dəbi – FOTOLAR

Baxış sayı: 1. 894

Dəb hər il, hətta hər ötən saniyə özünü təkrar göstərir, buraya  həm də yeni trendlər əlavə edilir. Bu mövsüm bir-birindən iddialı detallara rast gələcəyik. Bir çox markaların 2014 və 2015-ci ilin kolleksiyalarında ən diqqətçəkici detallardan biri də yumru çiyinliklərdir. Qadınları fərqli tərzə bürüyən bu trendi çoxlarının bəyənəcəyinizi düşünürəm.

Hər il yeni trendlər, yeni materiallar görməyə alışdığımız kolleksiyalarda modelyerlər bizə çox fərqli kəsimlər və biçimlər təqdim ediblər. Yumru çiyinliklər bu mövsüm qadınların qəlbinə yol tapa biləcək. Model baxımdan “oversize”, yəni bol  paltolara və geyimlərə bənzəsə də, özünəməxsusluğu ilə seçilir. Usta dərzilərin qızıl əllərindən çıxan  yumru çiyinliklər nostalji hisslər oyadır. Bu modelləri istənilən məkana geyinmək olar.

Tabloid.az xəbər verir ki, yumru çiyinliklər “Marc Jacobs”, “Stella McCartney”, “Miu Miu”, “Carven”, “Donna Karan” kimi bir çox markanın kolleksiyasında ən çox marağa səbəb olan geyim əşyası olacaq. Bu tərz biçimləri modelyerlər adətən romantik retro futuristik (Futuristik adı verilən binalar, şəhərlər təbii siluetlərini sürətlə pozan, dəyişik şəkillərdəki dəmirlər, beton yığınları və “gələcəkdə bir gün” deyilə bilən düşüncə tərzidir. Həmçinin mövcud olduğu zamana görə modern cizgilərə sahib olmaq mənasını verir) arxetikturası tərzində təqdim olunur və oval silueti ilə diqqət çəkir. İspan modelyerlər  “Cristobal Balenciaga” tərəfindən hazırlanan yumru çiyinlər 2014-cü ildə bir çox qadınların  qarderobunda xüsusi yerə sahib olacaq.

Yumru çiyinlik dəbinə gödəkçələrdə, köynəklərdə, paltarlarda, jaketlərdə, paltolarda və pencəklərdə rast gələ bilərsiniz. Onlardan biri mütləq sizin zövqünüzə xitab edə biləcək. Yumru çiyinlik modellərinin bir çox üstünlükləri var. Belə ki, əsas diqqət çiyinlərə yönəldiyi üçün ayaqları uzun və incə göstərə biləcək.

Yumru çiyinliklərə dəri materiallarından hazırlanan geyimlərdə də rast gələcəyik.  Yumru çiyinli paltolarla getdiyiniz hər yerdə diqqət mərkəzində olmaqla ətrafdakıların baxışlarını üzərinizə toplayacaqsınız.

Bu modellərə qadınların reaksiyasının necə oldudğunu deyə bilmərəm. Amma yumru çiyinlikli köynəkləri nə ilə və necə kombinasiya etmək haqqında bir neçə məlumat vermək istərdim. Yumru çiyinlikli trend köynəkləri uzun qələm ətəklə və qısa şortlarla geyinməklə mükəmməl uyğunluq əldə edə bilərsiniz.

Dəyirmi çiyinlik modeli qadın geyimlərinin bir çoxunda özünü göstərəcək.  Bu trendi yaxından izləmək və dəblə ayaqlaşmaq istəyirsinizsə, seçdiyimiz modellərə nəzər salın.

 

Aytən, /tabloid.az/



Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir