novruz

Novruz süfrəsi necə olmalıdır?

Baxış sayı: 1. 582

Novruz bayramında diqqət ediləsi məqamlarda ən vacibi süfrə tərtibatıdır. İnanclarımıza görə, süfrəyə düzülən nemətlər nə qədər bol, çeşidli olarsa, il bir o qədər bərəkətli olar. Qədim zamanlarda belə bir inanc da vardı: Əgər ailə bütün lazımi nemətləri süfrəyə qoyurdusa, bu, həmin ailənin özünütəsdiqindən xəbər verirdi.

No-Knead-Bread-12-900x604

Bayram süfrəsi bəzəyərkən ən vacib amili unutmaq olmaz: süfrəyə acı, şor, turş nemətlər qoymazlar. Məsələn, istiot, sirkə, soğan, sumax, sarımsaq, acika və s. hətta bəzi mənbələr şor qoğalın qoyulmasına qarşı çıxırlar.
Süfrədə çörək mütləq olmalıdır. Çünki o bərəkətin rəmzidir. Novruz süfrəsindən heç nə atılmamalı, yeməklər sona kimi yeyilməlidir.

42769_image

Stola 7 ədəd S hərfi ilə başlayan qidalar qoyulması adətini, yəqin ki, hamı bilir: səməni, su, süd, sarı qızıl, sünbül, siyənək balığı, süzmə, sucuq və s. Niyə bu belədir, soruşursunuzsa, deyə bilərik ki, keçmiş zamanlarda insanlar dünyanın 7 təbəqədən ibarət olduğunu hesab edirdilər. Ona görə də ildəyişmə bayramında (Novruzda) 7 cür xörək, 7 cür şirniyyat, 7 cür çərəz… (hətta özbəklər 7 cür ağac çöpünü qırıb süfrəyə qoyurlar) qoymaqla sanki süfrədə bütün kainatın kiçik modelini yaradırdılar. Bunu bacaran ailə ilə tamlıq, bötövlüklə keçə bilirdi.

1200x630_303149_levengi-fish-by-chef-elmin

Novruz süfrəsində meyvə-tərəvəz, xüsusilə də təzə göyərti bol olmalı, balıq məhsullarına yer ayrılmalıdır. Məsələn cənub bölgəsində Novruz bayramında süfrədə mütləq balıq olmalıdır.

70af569acb6404ca73f6d24d68ef9040

Xonça çərəzlər, şirniyyatlarla bəzənir, yumurtalar boyanır. Əvvəllər bir gecədə 300-400 yumurta boyayırdılar və uşaqlara paylayırdılar. Çünki yumurta bolluğun, bərəkətin rəmzi idi. Yumurta döyüşdürmək isə xeyrin şər üzərində qələbəsinə işarə idi.

sufrem-37

“Gencaile.az” bütün oxucularına bu bayramda süfrələrinin bol olmasını, evlərindən plov, şirniyyat ətrinin gəlməsini arzu edir!




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir