DEB

Payız və qış mövsümünün əsas trendləri nələr olacaq? – FOTOLAR

Baxış sayı: 143

Yayın qaynar günləri artıq geridə qalıb, sentyabr öz gəlişi ilə həm şəhərimizə, həm də qəlbimizə xoş bir sərinlik gətirib. Ümid edirik ki, bu sərinlik birdən-birə yağışlı və küləkli havalarla əvəz olunmayacaq. Çünki heç kim, xüsusilə modapərəstlər qısaqoldan birbaşa kurtkaya keçid etmək istəmir. Axı qarderobda geyinilmək üçün həsrətlə sentyabrın gəlməsini gözləyən pencəklər asılıb. Əslində zaman elə sürətlə uçur ki, vaxtın necə keçdiyini hiss etmirsən. Odur ki, soyuq havalara qarşı indidən “silahlanmağa” dəyər.

Payız və qış aylarında nələr dəbdə olacaq?” sualına müxtəlif cavablar hazırlamışıq. Beləliklə, oxucuları payız-qış trendlərinin icmalı ilə tanış edirik:

 

Bəbir və digər heyvan naxışları

20 гÐ

Sözsüz ki, bu mövsümün əsas trendlərindən biri heyvan naxışlarıdır. Bəbir naxışı ilə yanaşı, piton, pələng, zebr naxışları da qarşıdakı payız və qış aylarında populyar olacaq.

 

Dəri

20 гÐ

Dəri payız-qış ayları üçün yeni tendensiya deyil. Bu il daha seksual dəri geyimləri qarşınıza çıxacaq, hətta butik rəfləri sizə seks-şopları xatırladacaq.

 

80-ci illər

Marc Jacobs, Alberta Ferretti, Tom Ford

Ötən mövsümdən bizə miras qalan daha bir trend… Əgər bu yay dizaynerlər şanlı dövrə yalnız eyham vurmuşdularsa, payızda o dövrün dəbi bütün ehtişamı ilə önə çıxacaq.

 

Buduar (qadının istirahət və digər məşğuliyyətləri üçün nəzərdə tutulmuş təmtəraqlı otaq. Buduar termini XVIII əsrdə ortaya çıxıb).

20 гÐ

Gündəlik həyata uyğunlaşdırılmış buduar elementləri payızın nömrə bir trendlərindəndir. Korsetlər, pijamalar, penüarlar və digər gecə geyim elementləri gündəlik obrazının bir hissəsi ola bilər və heç kəs buna görə sizi ittiham etməyəcək.

 

Feminen və maskulin tərzinin vəhdəti

20 гÐ

2018-ci ilin payızında qadın və kişi üslubunun dueti dəbdə olacaq. Məsələn, qadın və kişi geyim elementləri mürəkkəb siluetdə birləşdirəcək. Buna nail olmaq çox asandır: Ən çox sevdiyiniz paltarı alın və onun üzərinə bol kəsimli pencək geyinin.

 

Baş geyimləri

20 гÐ20 гÐ

Bakı kimi soyuq şəhərdə baş geyimləri ilk növbədə məcburi zərurətdir, dəbli tendensiya deyil. Bununla belə məhz onlar gələn ilin payızında özünün bütün zənginliyi ilə qarşımıza çıxacaq. Odur ki, müxtəlif modellər arasından indidən seçim etməyə tələsin.

 

Daha çox həcm

20 гÐ

Payızda dizaynerlər daha həcmli və fantastik formalardan qorxmamağı təklif edirlər. Çiyinliklərin köməyi ilə şişirdilmiş pencəklər və ya çoxqatlı paltarlar yeni mövsümdə trend olmağa iddialıdır.

 

Qurama

20 гÐ

Qurama – yazdan payızda keçid edən daha bir trenddir. Qurama yorğan imitasiyası “Christian Dior”, “Marni” və digər dizaynerlərin kolleksiyalarında yer alıb.

 

Utilitarizm (rahat, praktik, faydalı)

20 гÐ

Dizaynerlər qərara gəlib ki, payız-qış mövsümündə rahatlıq və funksionallıq hər şeydən üstün olmalıdır. Odur ki, sırıqlı yorğanı xatırladan kurtkalarınız nə qədər həcmli və cibli olsa, bir o qədər yaxşıdır.

 

Süni xəzlər

20 гÐ

Brendlər artıq süni xəzlərə üstünlük verməyə başlayıb və buna sevinməmək olmaz. Belə xəzlərin yaradılması həm də heyvanların amansızcasına öldürülməsini tələb etmir və dizayn baxımından imkanlarını genişləndirir. Modapərəstlərə xəzlərin istənilən fasonu və rəngi təklif edilir. Odur ki, bütün bunlar haqlı olaraq, onu payızın trendi elan edir.

 

Neon

20 гÐ

Neon rənglər payız-qış aylarında hər yerdə qarşımıza çıxmağı vəd edir. Bu tendensiyanı hətta axşam paltarlarında da görmək olar. Məsələn, “Prada” kolleksiyasında.

 

Plaş-paltar

20 гÐ

Belə geyimin əsas üstünlüyü ondan ibarətdir ki, o, sizin arzularına əsasən dəyişilə bilər. Plaşın biçimini xatırladan paltarı həm çılpaq bədənə, həm də havalar soyuyanda vodolazka ilə geyinmək olar.

 

Qələm ətək

20 гÐ

20 гÐ

Ciddi ofis yubkası yenidən trend olmağa namizəddir. Onun sayəsində asanlıqla güclü qadın təəssüratı yaratmaq mümkündür. Amma bu ilin payızında qələm ətəyi ənənəvi qaydada deyil, daha fərqli fasonlarda görəcəyik: yarığı, kəsimi, rəngi, bəzək və düymə elementləri, həmçinin naxışı ilə fərqlənəcək.

 

Balyaj və ombre tonlar

20 гÐ

2018-ci ilin əsas rəng trendi payıza yeni nəfəs gətirən balyaj və ya ombre tonlardır. Müxtəlif rəng və çalarların keçidləri xüsusilə paltarlarda effektli təsir bağışlayacaq.

 

Futurizm

Balmain, Giambattista Valli, Dior

“Gələcəyi görməyə darıxan” dizaynerlərin bir qismi gələcəkdə dəbin necə olacağı mövzusunda durmadan baş sındırır və növbəti payız istisna olmayayıb. Futurizm rəmzi sayılan metal rəngi paltar, kurtka, ayaqqabı, hətta çantalarda istifadə edilib.

 

Laklı dəri

Tod's, Adam Selman, Balmain

“Matrisa” ruhunda hazırlanan laklı plaşlar ənənəvi olaraq payız-qış trendlərinə daxil edilir. Odur ki, 80-ci illərin üslubunda olan uzun laklı dəri plaşlara biganə qalmaq olmaz.

 

Rəsmlər

20 гÐ

Dünya şöhrətli rəssamlarının əsərləri moda sənayesindən yan keçməyib. Rəsm sənətkarının hətta erotik illüstrasiyalarını həm lüks, həm də demokratik brendlərin kolleksiyalarında görmək mümkündür.

 

Bütünlüklə qara

Ann Demeulemeester, Alexander Wang, Alexander McQueen

Başdan ayağa köhnə və xeyirxah qaraya bürünmək heç vaxtdan dəbdən düşmür. Ümumiyyətlə qara ilə boz moda sənayeçilərinin sevimli rəngidir.

 

Saçaq

20 гÐ

Bohema dekoru dəbdən ayrılmaq barədə düşünmür. İstər xırda, istərsə də iri saçaqlar kovboy gödəkçələrinin qollarında qalmağa, eləcə də paltar, ətək və çantaları bəzəməyə davam edir.

 

Qırmızı

20 гÐ

Qırmızı paltar artıq neçənci dəfədir ki, ənənəvi olaraq payızın trendi seçilir. Payız-qış kolleksiyalarında, məsələn, “Giambatista Valli”nin döşəməyə qədər uzanan daha qapalı, həm də “Dolce & Gabbana”nın yuxarı hissəsi bağlarla korset şəklində hazırlanan daha cəsarətli variantlarını tapmaq olar.

 

Yerkökü çaları

Bottega Veneta, Calvin Klein Collection, Moschino

20 гÐ

Əgər sizdə narıncı rəngə qarşı məhəbbət hissi yoxdursa, bir daha cəhd edin. Romantik kəsimləri və bəzəkləri olan narıncı paltarlar vitamini və ilham mənbəyinə ehtiyac duyan şəxslər üçün uğurlu seçimdir. Yeri gəlmişkən, narıncı əhvalı yüksəldib xoş ovqat yaratmağa qadirdir.

 

Etnik

20 гÐ

Özündə şaman geyimlərinin elementlərini və etnik naxışları birləşdirən geyimlər mövsümün daha bir tendensiyasıdır. Seçim çoxdur: hindurların entik naxışları, zamşa və sviterlər. İstənilən halda uduzmayacaqsınız.

 

Uzun libaslar

20 гÐ

Bu mövsüm dizaynerlər paltarın ətəklərini “uzatmağı” məsləhət görürlər. Uzun libaslar aktuallığın zirvəsində olacaq. Yağışlı havalar üçün münasib olmasa da, qalan bütün hallarda maksimum dərəcədə rahat və effektivdir.

 

Kobud dublyonka

20 гÐ

Dublyonka qəlbimizdə ən rahat və isti qış geyimi kimi çoxdan yer qazanıb. Xəbəriniz olsun ki, maksimum dərəcədə kobud modellər payız-qış mövsümündə modapərəstlərin əsas tələbatı olacaq.

 

Tvid

20 гÐ

Kult tvid kostyumlar yenidən modapərəstlərin qarderoblarına qayıdır, amma adət etdiyimiz şəkildə yox. Əgər könlünüzdən müxtəlif dəb eksperimentləri etmək keçirsə, o halda klassik “Chanel” tvid kostyumlarını daha konservativ qızlara saxlayın, özünüz isə tvid yubka və ya paltarlara yönəlin.

 

Dama-dama

Michael Kors Collection, Versace, Matthew Adams Dolan

Dama-dama naxışların bütün növləri payızda və qışda aktual olacaq. Əgər qarderobunuzda klassik “Uels şahzadəsi” adlanan dama-dama naxışı varsa, şotlandiyalıya, daha iri və ya daha çılğın dama-dama naxış versiyalarına nəzər salın. İşgüzar xanımların xüsusi diqqət yetirməsi şiddətlə tövsiyə edilir.

 

İşçi uniforması

20 гÐ

Bir çox dizaynerlər, deyəsən, dəbli işçi həmkarlar ittifaqını təşkil etməyə hazırlaşırlar. Əks halda payız-qış kolleksiyalarında fəhlə geyiminin müəyyən elementləri ilə narıncı rəngin istifadəsini necə izah etmək olardı?

 

Kostyum

Christian Dior, Bottega Veneta, Christopher Kane

80-cı illərin birnömrəli trendi sayılan dəst kostyumlar müasir modapərəstlərin qarderobuna daxil olmaq niyyətindədir. Bol kəsimli pencəklə eyni rəngli enli balaqlı şalvarın vəhdətinə biganə qalmayın. Klassik qara dəstlər haqqında unudun, ən dəbdə olan tonlar boz və qəhvəyidir.

 

Viktorian üslubu

Zimmermann, Bora Aksu, Calvin Klein Collection

Dizaynerlər Mariya Antuenetta dövrünə hələ də aşiqdir, deməli, təmtəraqlı paltarlarla, krujevalı və büzməli bluzlar qarderobumuzda əvvəlki yerini tutmağa davam edəcək.

 

AYTƏN




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir