photo_2b77876bd1e7a0b29045

Qadın sənin tarlan deyil – Həkim VASİF İSMAYIL yazır

Baxış sayı: 295

“Zorlanma haqqında”

 

Nə yazacağımı bilmirəm.

 

Amma qısa olaraq belə deyim.

 

Evdə sizə nə deyirlərsə desinlər, qadınlar sizin tarlanız-zad deyil.

 

Qadının mövqeyini qazanmaq üçün, ilk növbədə, qadının özünün rizasını, yəni icazəsini almalısınız.

 

Özü də hər dəfə üçün ayrı-ayrı. Dünən sizə mehriban baxdısa, bu gün “nastroyennisi” olmaya bilər. Günahı özündə axtar.

 

Xoşuna gəlməsə, sizə üz verməyəcək.

 

Lap əcəb edəcək.

 

Bu arada, ol qadın sizin öz halalca həyat yoldaşınız da ola bilər.

 

Yoxsa qızın barmağına üzük taxdınız deyə, “seks qaranti” deyə düşündün, zibidi?

 

Qadınlar naz-qəmzə edərlər, amma sizə qarşılıq verəcəklər demək deyil bu.

 

Əgər küçədə bir qadın üzünü gülümsədisə, “ahha” deməyin. Ağzınız yanacaq.

 

Bir dəfə Aluştada bir belaruslu qız bizə yanaşıb yaman mehriban dayanmışdı. Dostum yaman sulandı, qızın diskotekaya giriş pulunu verdi.

 

Qız da, gözünə döndüyüm, diskotekaya girdiyi anda özünə bir “İvan” tapdı, bizim “Mamed” qaldı kənarda.

 

Oğlan yaman hirslənmişdi.

 

Qıza dişinin dibindən çıxanı deyirdi. Əlbəttə, azərbaycanca.

 

Mən isə öz bildiyim kimi tərcümə edirdim: “Bilirsən, bir az əsəbidir. Olan şeydir. Sən, fikir verməynən”.

 

Qızların göstərib sonra üz verməməyini mən də sevmirəm, a kişilər, lakin nə edəcəksən? Bu qadını kim anladı ki, indiyə qədər?!

 

Qadın sənin tarlan deyil.

 

Sumqayıtda bir xanımı səhər idmanı edərkən zorlayaraq öldürüblər.

 

Bəziləri isə gədəni müdafiə etməyə çalışır.

 

Kül başımıza.

Vasif İsmayıl




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir