gelin -toy

Toyda kimi kimlə və harada oturtmalısınız?

Baxış sayı: 1. 287

Evlənəcək cütlüklərin ən qorxulu yuxusu qonaqların yerləşdirilməsidir. Kimi kimlə və harada

oturtmalısınız? Sadə formullarla bu məsələni asan həll edə bilərsiniz.

– Əvvəlcə oğlan evi ilə qız evi toy məkanında ayrı-ayrı hissələrdə yoxsa qarışıq yerləşdirəcəyinizi

müzakirə edin. Çünki adətən qız və oğlan evi olaraq yerləşdirilmə sağ-sol bölünür. Hansı daha sadədir

soruşsanız – əlbəttə ki, sağ-sol bölünmə deyə bilərik.

– Qruplandırın – İş yoldaşlarınız, məktəb və universitet yoldaşlarınız, xala-dayı – onların uşaqları və

əmi-bibi – onların uşaqları kimi yaxın qohumlarınız, ailə dostlarınız, qonşularınız və s. Dəvətli siyahısında

bir neçə bu kimi kateqoriyalar çıxırsa, başlıq kimi onları yazın. Belə işin müəyyən faizini etmiş və işinizi

asanlaşdırmış olacaqsınız.

– Belə qurplandırmadan sonra ilk etməniz lazım olan şey yaş qruplarına görə bir dəfə də kateqoriyalara

ayırmaq olacaq. Yaş qruplarından sonra ən önəmli faktoru – maraq dairələri və yaşam tərzlərini göz önünüzdə

canlandırın. Bundan başqa, küsülü yaxınlarınızın eyni masada yerləşdirilməməsinə diqqət edin.

– Trend: Subaylar masası. Subay və eyni yaşlarda olan dostlarınızı eyni masada yerləşdirin, onlar üçün bu çox

əyləncəli olacaq. Bu yeni tanışlıqlara da gətirib çıxara bilər. Əvvəllər bu bir az gizli edilirdi, indi isə bu bir

trenddir. Hətta bəzən masanın üstünə “Subaylar Masası” belə yazdıran toy sahibləri var. Əgər dostlarınız içərisində

köhnə sevgililər varsa, eyni masaya oturtmamanızı tövsiyə edirik.

– Ailə böyüklərini, yaşlıları musiqi olan yerdə yerləşdirməməlisiniz. Onlar üçün ən ideal yer orta tərəflər

olacaqdır.

– Həmçinin, məkanın foyesində və ya zala girişdə masa lövhəsi qoymağı unutmayın. Bununla siz qonaqların

və özünüzün işini asanlaşdırmış olacaqsınız. Qonaqlar içəri keçdikdə lövhədə öz oturacağı yeri görəcək və içəri

girəndə çaşmayacaq.

– Bunu da unutmayın ki, bu sizin toyunuzdur. Əlbəttə, qonaqlarınızın həssaslıqlarına diqqət etməlisiniz.

Lakin bunun bir kabusa çevrilməyinə imkan verməyin. Çünki bu sizin gecəniz və hər kəs sizin xoşbəxtliyinizə

şahid olmaq üçün oradadır. Siz pozitiv və xoşbəxt olun, bununla əmin olun ki, hər kəs sizin toyunuzda

əylənməyin bir yolunu tapacaq.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir