Gəlinlik geymək hər bir gənc qızın arzusudur. Bu arzuya görə sözügedən mərasim geyiminin qiyməti də dünya miqyasında hər zaman baha olub.
Ancaq ABŞ-ın Nyu-York şəhərində müsabiqəyə çıxarılan gəlinliklərlə bağlı bu bahalıqdan danışmaq olmaz. Gözəlliyi ilə göz oxşayan gəlinliklər tualet kağızından hazırlanıb. Müsabiqədə iştirak etmək üçün 1500-dən çox dərzi öz əl işlərini münsiflərə təqdim edib.Müsabiqənin qalibi isə Van Tren adlı dizayner olub. Bu gəlinliklərin istehsalına 10 dolar civarında pul sərf olunsa da, qalib gələn gəlinlik öz sahibinə 10 min dollar qazandırıb.
