Uşaqlar üçün seçilən otaq mebeldən tutmuş ən xırda əşyasına qədər diqqətə alınmalıdır. Məsələn, ilk növbədə, mebel rahat, cəlbedici olmaqla yanaşı, eyni zamanda etibarlı, möhkəm olmalıdır. Mebellər fizioloji inkişafa mənfi təsir edən vəsaitlərdən hazırlanmamalı və seçilən mebel antibakterial xüsusiyyətə malik olmalıdır.
Körpə üçün istifadə edilən yataq dəstləri pambıq, otağa döşənən xalça antialergik xassəli, mebellər, pastellər sakitləşdirici rəngdə olmalıdır. Körpənin əşyalarını yerləşdirmək üçün kiçik bir rəf qoyulmalıdır.
Otaqda istifadə edilən işıqlandırma sistemlərinin seçimi də son dərəcə əhəmiyyətlidir. Belə ki, parlaq işıqlar əvəzinə, gözü yormayan işıqlar seçmək daha uyğun olar.
