yuxu

Yuxunun keyfiyyəti yaşadığın ölkədən asılıymış…

Baxış sayı: 272

Beynəlxalq tədqiqatçılar qrupu keyfiyyətli yuxunun hansı amildən asılı olduğunu müəyyən etmək üçün eksperiment aparıblar. Eksperimentin nəticələri gözlənilməz olub. AZƏRTAC xarici KİV-ə istinadla xəbər verir ki, rahat və normal yuxu insanın hansı ölkədə yaşamasından birbaşa asılıdır.

Tədqiqatçıların təşkil etdikləri irimiqyaslı eksperimentdə dünyanın 48 dövlətindən 940 mindən çox adam iştirak edib. Könüllülər iki həftə ərzində unikal “Sleep Cycle” əlavəsindən istifadə ediblər. Bu əlavənin köməyi ilə yuxunun fazalarını, müddətini və digər meyarları qiymətləndirmək olur. Mütəxəssislər tədqiqatların nəticələrinə görə vətəndaşlarının yuxusu keyfiyyətli və sağlam olan ölkələrin siyahısını tərtib ediblər. Slovakiya, Polşa, Macarıstan, Çexiya və Çin sakinləri bu baxımdan ən bəxtəvər insanlar sayılıblar.

Eksperiment zamanı müəyyən olunub ki, Cənubi Afrika ölkələrinin sakinləri dünyada yuxudan ən erkən oyanan insanlardır. Onlar adətən səhər saat 6-da yuxudan dururlar. Tədqiqatda iştirak edən könüllülər hesab edirlər ki, çərşənbə həftənin yuxu üçün ən münasib günüdür. Şənbə və bazar günləri isə yuxudan doymaq olmur.




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir