Dünyanın ən zəngin ölkələrindən biri olan Birləşmiş Ərəb Əmirliyi (BƏƏ) zibilliyə atdığı ən dəbdəbəli və dövrünün bahalı avtomobilləri ilə də ilk sıradadır desək, heç də yanılmarıq.
Publika.az-ın araşdırmasına görə, dünyada yeni istehsal edilən ən bahalı və dəbdəbəli eksklüziv avtomobillərin ilk alıcıları məhz bu ölkənin şeyxləri və varlı sakinləri olur. Bəlkə də buna görədir ki, bu gün Dubayın zibilxanalarında hələ də çoxlarına əlçatmaz arzu olaraq qalan və qiymətini itirməyən bahalı işlənmiş və ya vurulmuş avtomobillərə rast gəlmək çətin deyil. Hətta, onların arasında 2010-2014-cü illərin “Ferrari”, “Lamborghini”, “Range Rover” və ya “Maserati”sini görmək olur.
Dubayda zibilləyə atılmış bu avtomobillər günümüzün böyük gəlir mənbəyinə belə çevrilib. Təsadüfi deyil ki, BƏƏ-də zibilliyə atılmış avtomobil və onun ehtiyat hissələri indi Azərbaycanla yanaşı, bir çox ölkələrə daşınır, əvəzində isə yüksək gəlir əldə edilir.
BƏƏ-də zibilxanalara atılmış bir neçə avtomobilin fotosunu təqdim edirik:
