geyim

Arxalıq bu payız dəbin trendi olacaqmı?

Baxış sayı: 271

Payız-qış moda şoularının podiumlarında görünən arxalıqlar bu mövsüm trend olmağa iddialıdır.

Simvolik olaraq bu geyim parçası “Taxt oyunları” serialının davamı olan “Əjdaha Evi” seriyasının nümayişi ərəfəsində mövsüm kolleksiyaların öz yerini aldı. Dizaynerlərin çoxu həqiqətən fantaziya dünyasına qərq olmağı və bu payız özümüzü məşhur dastanın güclü qəhrəmanları kimi hiss etməyi təklif edirlər. Yeri gəlmişkən, arxalıq erkən orta əsrlərə aiddir və bilavasitə cəngavər geyimidir.

“Valentino”da dizayner Pyerpaolo Piççoli düşərgə geyiminin müasir şərhini təklif edir. O, parlaq çəhrayı arxalığı eyni rəngli şalvarla təqdim edərək orijinal və çox zərif gecə obrazı yaradıb.

“Gabriela Hearst” standart bağlayıcı əvəzinə lentlə bağlanan uzun arxalıq təklif edir və onu təkrəng trikotaj dəstlə geyinməyi məsləhət görür. Belə bir dəst səyahət və ya uzun bir iş günü üçün olduqca əlverişlidir.

Bununla belə, bu mövsümdə daha avanqard versiyalara da rast gəlmək olar. Ən yaxşısını “Bevza” moda evinin kolleksiyasında görə bilərik. Brend ağ-qara rəngdə baramaları xatırladan, küləyə və yağışa davamlı bir neçə modeli nümayiş etdirib. İlk şaxtaların başladığı günlərdə belə arxalıq həm mükəmməl görünəcək, həm də sizi havanın soyuğundan qoruyacaq.

Dizaynerlərin başqa bir etibarlı ilham mənbəyi Britaniya kral ailəsinin qüsursuz tətil obrazları olub. Tikiş və funksionallığına görə, qış yürüşlərində onlar bir qayda olaraq arxalıq modellərinə yönəlirlər. Arxalıq həm də mövsümün ən dəbli uzunboğaz çəkmələri və kazak adlanan ayaqqabı modelləri ilə əla uyğunlaşır.

GEYIM 1

GEYIM 2

 




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir