Fizioterapiya — dərmansız müalicə və bərpa üsullarını birləşdirən tibbin geniş və dinamik inkişaf edən sahəsidir. Müasir fizioterapiya, yalnız əzələ-oynaq sistemini deyil, sinir, tənəffüs, ürək-damar və həzm sistemini də dəstəkləyən kompleks yanaşma təklif edir. Xüsusilə xroniki ağrılar, travmalardan sonrakı reabilitasiya və bəzi nevroloji pozuntular zamanı fizioterapevtik prosedurların təsiri yüksək qiymətləndirilir.
1) Elektroterapiya
Bu üsul müxtəlif növ elektrik cərəyanları vasitəsilə əzələ və sinir sisteminə təsir göstərir. Elektroterapiya ağrının azaldılması, qan dövranının yaxşılaşdırılması və əzələ gücünün bərpasında mühüm rol oynayır. Həmçinin sinir keçiriciliyinin artırılmasında və travmalardan sonra reabilitasiyada geniş istifadə olunur.
2) Ultrasəs terapiyası
Ultrasəs dalğaları vasitəsilə toxumaların dərin qatlarına təsir göstərən bu üsul, xüsusilə oynaq və əzələ ağrılarının müalicəsində istifadə edilir. Ultrasəs toxumaların isidilməsi, maddələr mübadiləsinin sürətlənməsi və iltihabın azalması üçün effektiv vasitədir.
3) Lazer terapiyası
Aşağı intensivlikli lazer şüası hüceyrə səviyyəsində bərpa proseslərini aktivləşdirir. Dərinin və yumşaq toxumaların müalicəsində, yara sağalmasının sürətləndirilməsində, iltihab əleyhinə təsirdə geniş tətbiq olunur. Lazer terapiyası qeyri-invaziv və ağrısız olması ilə seçilir.
4) Maqnitoterapiya
Düşük tezlikli maqnit sahələri vasitəsilə hüceyrə səviyyəsində regenerasiya proseslərinin stimullaşdırılması bu üsulun əsasını təşkil edir. Osteoxondroz, artrit, sinir sistemi pozuntuları və damar xəstəliklərinin müalicəsində təsirlidir.
5) Manual terapiya və terapevtik masaj
Əllə tətbiq olunan bu üsullar, əzələ gərginliyinin aradan qaldırılması, duruş pozğunluğunun düzəldilməsi və ümumi rahatlama üçün istifadə edilir. Peşəkar şəkildə tətbiq olunan manual terapiya onurğa və oynaqlarda hərəkətliliyi bərpa edə bilər.
6) Termoterapiya və krioterapiya
İstilik və soyuqla müalicə üsulları müxtəlif xəstəliklərin müalicəsində əlavə və ya əsas üsul kimi tətbiq olunur. İsti tətbiqlər əzələ gərginliyini azaldır, soyuq isə ödem və iltihabı azaldır.
Fizioterapiya müalicəsi, həm profilaktika, həm də bərpa üçün əhəmiyyətli bir vasitədir. Dərmanların əks-təsirindən qaçaraq, bədənin özünü sağaltma mexanizmini stimullaşdıran bu üsullar, fərdi yanaşma ilə daha effektiv nəticələr verir. Ən əsası isə, fizioterapiya prosedurları yalnız peşəkar həkim nəzarətində tətbiq olunmalıdır.
Nərminə Abbasova
Mayomed Fizioterapiya və Reabilitasiya Klinikasının baş həkimi, həkim-terapevt
(Həkimlə əlaqə saxlamaq istəyənlər Əhməd Rəcəbli 207-də yerləşən MayoMed klinikasına müraciət edə (TEL: (012) 464 86 93; 464 86 94; 464 86 95) və ya (051) 866 02 20; (051) 567 66 96 mobil nömrələri ilə birbaşa Nərminə Abbasova ilə əlaqə saxlaya bilərlər.)
bir neçə dəfə elektroterapiya və ultrasəs terapiyasından istifadə etmişəm. Ağrılarımı azaldıb və çox yaxşı nəticə almışam. Həkimlər hər zaman düzgün yanaşırsa, müalicə çox effektli olur. Təşəkkürlər!
Mən də bu sahəylə bağlı çox məlumatlı deyiləm, amma oxuduqca daha çox maraqlandım. Bəzi prosedurlar barədə heç eşitməmişdim, məsələn, lazer terapiyası. Məncə, fizioterapiya reabilitasiyalarda çox vacibdir, çünki dərmanlar qədər təsirli ola bilər. Yaxşı yazıdı, təşəkkürlər!
Fizioterapiya o qədər də populyar deyil, amma əslində çox vacib bir sahədi. Mənim özüm də bir neçə dəfə belə prosedurlar almışam, xüsusilə manual terapiya çox kömək edib. İstəyirəm ki, daha çox insan bu barədə məlumatlansın. Təşəkkürlər!
Əvvəllər fizioterapiya haqqında heç bir fikrim yox idi, amma bu yazıdan sonra maraqlandım. Bu cür müalicələr həm də çox təbii olduğu üçün daha yaxşı təsir edir, bəlkə də buna görə dərmansız yanaşmalar daha effektiv ola bilir. Məncə, bərpa prosesləri üçün mütləq istifadə olunmalıdı.
Mənim də ağrılarım vardı, elektroterapiya mənim üçün çox yaxşı oldu. Əgər düzgün tətbiq edilərsə, müalicə çox təsirlidir. Bir neçə dəfə fizioterapiya prosedurları almışam, həqiqətən çox kömək edib. Sonda da yaxşı nəticələr alırsınız.
İstilik və soyuqla müalicə də çox maraqlıdı, çox nadir hallarda eşitmişdim. Məncə, fizioterapiya müalicələri hər yaşda vacib olmalıdı, xüsusən də yaşlılar üçün çox faydalıdır. Yaxşı yazıdır, çox maraqlı oldu.
Fizioterapiya barədə çox yaxşı məlumat almışam. Mənim özümün bir neçə dəfə reabilitasiyada olduğu vaxtım olub, fizioterapiya o dövrlərdə mənə çox kömək edib. İnanın, dərmansız müalicə insanın sağlamlığını bərpa etməyə kömək edir.
Çox faydalı və aydın izah olunmuş yazıdır. Mən bel ağrılarından əziyyət çəkirəm və fizioterapiya haqqında çox eşitmişdim, amma detallı bilmirdim. İndi isə hansı prosedurun nə məqsədlə tətbiq edildiyini başa düşdüm. Ən çox da ultrasəs və lazer terapiyası marağımı çəkdi. Əsas odur ki, dərmansız üsullarla müalicə mümkündür, bu, mənim üçün çox vacibdi
Fizioterapiyanın bir çox faydalı tərəfi olduğuna artıq bələdəm, amma bu yazı mənim üçün çox yeni məlumatlar təqdim etdi. Xüsusilə maqnitoterapiya və termoterapiya üsullarının necə işlədiyini öyrənmək çox maraqlı oldu. Mənim düşündüyümdən daha geniş və dərindən tətbiq sahələrinə malik bir sahədir. Müalicə prosedurlarının doğru şəkildə tətbiqi çox vacibdir, ona görə də həkim nəzarətinin əhəmiyyəti vurğulanır.
Müəllifin yazı üslubu çox peşəkar və eyni zamanda oxucunun asanlıqla başa düşə biləcəyi şəkildədir. Fizioterapiyanın müalicəvi təsirini elmi şəkildə təhlil edərkən, eyni zamanda praktikada necə tətbiq olunduğunu göstərməsi yazını həm maraqlı, həm də faydalı edir. Nərminə xanımın məlumat və təcrübə dolu yanaşması, sahəsindəki peşəkarlığını bir daha ortaya qoyur.