Yayda isti havaların təsirindən əriyən makiyaj vasitələrimizi ya zibilə atarıq, ya da ki, qalan hissəsini istifadə edərik. Amma zibilə atmaq əvəzinə buzxanada saxlayıb onları əvvəlki vəziyyətlərinə qaytara bilərik. Gəlin, birlikdə ərimiş makiyaj vasitələrimizi yenidən canlandırmağın üsullarını kəşf edək.
Dodaq boyası
Dodaq boyanızın əriyən hissəsini heç çıxartmadan qapağını bağlayın və buzxanada saxlayın. Bir saat buzxanada qaldıqdan və sərtləşdikdən sonra çıxardıb yenidən istifadə edə bilərsiniz. Əgər dodaq boyanız qabın kənarında əriyibsə, əriyən hissəni kibrit qutusu boyda kiçik metal qabın içinə qoyu və buzxanada saxlayın. Beləliklə, əriyən dodaq boyanızı yeni formada – barmaq ucunuz ya da ki, dodaq boyası fırçası ilə istifadəyə hazırdır.
Göz qələmi
Vaxtınız varsa ərimiş göz qələminizi buzxanaya atın və səhəri gün götürün. Əgər bu qədər vaxtınız yoxdursa və tez makiyaj edib çıxmaq istəyirsinizsə, göz qələminizi buz dolu stəkanın içinə qoyun. Buzxanadakı ilə eyni effekti alacaqsınız.
Krem ənlik və göz kölgəsi
Ənlik və kölgələrdəki ərimiz piqmentlərin içinə iki damla duz məhlulu əlavə edin, bir çöp vasitəsilə qarışdırın. Bu tətbiqetmə istilə yox olan nəmin geri gəlməsini təmin edir. Daha sonra qarışdırığınız ənlik ya da ki, kölgəni qaşığın tərs üzü ilə düzləşdirin və soyuducuya qoyun ki, əvvəlki halını alsın.
Örtücü
Əgər ötrücünüz stik halındadırsa dodaq boyasına tətbiq edilən üsulu sınaya bilərsiniz. Palet şəklində olan örtücüləri isə qaşığın tərs tərəfilə düzləşdirin, soyuducuda bir neçə saat saxlayın. Budur, palet örtücünüz əvvəlki vəziyyətindədir.
(Foxy.az)
