2023-cü il Azərbaycanın ictimai, siyasi, mədəni həyatından hansı məşhurları apardı?
Beləliklə, 2023-cü ildə itirdiyimiz məşhurları təqdim edirik.
Azərbaycanın Əməkdar artisti, aktrisa Tünzalə Əliyeva uzun sürən xəstəlikdən sonra yanvarın 22-də vəfat edib.
Pianoçu, musiqişünas, Əməkdar incəsənət xadimi Tərlan Seyidov uzun sürən xəstəlikdən fevralın 1-də, 80 yaşında vəfat edib.
Azərbaycanın xalq artisti, Prezident mükafatçısı, bas opera müğənnisi Əli Əsgərov fevralın 23-də dünyasını dəyişib.
Görkəmli rejissor, Xalq artisti, Prezident təqaüdçüsü İranə Tağızadə aprelin 9-da 66 yaşında vəfat edib.
Azərbaycanın teatr və kino aktyoru, Xalq artisti Ramiz Novruz uzun müddət mədə xərçəngi xəstəliyindən əziyyət çəkirdi və fevralın 20-də vəfat edib.
Azərbaycanlı tanınmış ilahiyyatçı, xeyriyyəçi, din xadimi, ictimai xadim, Məşədi Dadaş məscidinin sabiq axundu Hacı Şahin Həsənli martın 2-də dünyasını dəyişdi.
Televiziya prodüseri, rejissor Oktay Əliyev 2023-cü il martın 22-də 54 yaşında yol qəzasında həlak olub.
Məhşur qarmon ifaçısı, Azərbaycan Respublikasının xalq artisti Aftandil İsrafilov aprelin 29-da dünyasını dəyişib.
Tanınmış jurnalist, televiziya aparıcısı Natəvan Babayeva iyulun 20-də uzun sürən xərçəng xəstəliyindən dünyasını dəyişib.
Əməkdar artist Rəhman Rəhmanovun oğlu, müğənni Emil Rəhmanoğlu sentyabrın 19-da vəfat edib.
Milli Məclisin Mədəniyyət məsələləri komitəsinin sədri Qənirə Paşayeva sentyabrın 28-də vəfat edib.
Azərbaycanın Xalq artisti, Teatr Xadimləri İttifaqının İdarə Heyətinin sədri, Azərbaycan Dövlət Akademik Milli Dram Teatrının bədii rəhbəri-baş rejissoru və direktoru Azər Paşa Nemətov aprelin 9-da vəfat edib.
Respublikanın Əməkdar artisti, tanınmış aktyor, rejissor Elxan Qasımov mayın 29-da, 78 yaşında vəfat edib. “Əhməd haradadır” filmindən “şofer Əhməd” obrazı ilə sevilmişdi.
Azərbaycanın görkəmli teatr və kino aktyoru, Dövlət mükafatı laureatı, Prezident təqaüdçüsü, “Şöhrət” ordenli Xalq artisti Ramiz Məlik dekabrın 14-də vəfat edib.
