Uşaq rəsmlərinin çoxsaylı araşdırmaları göstərdi ki, rəsm çəkmənin inkişafında bir-birini müəyyən ardıcıllıqla əvəzləyən dəqiq yaş dövrləri mövcuddur. Uşaqların əqli inkişaf pozuntularında bir mərhələdən digərinə keçmə prosesində geriləmə, erkən dövrlərdə  ləngimə müşahidə edilir.

İnsanın şəxsiyyət xüsusiyyətlərini müəyyən etmək üçün aparılan rəsm testləri proyeksiya prinsipinə, yəni öz narahatlıqlarının, təsəvvürlərinin, meyillərinin və s. xaricə çıxarılmasına əsaslanır. Bəzən hər hansı bir şəkil çəkərkən insan qeyri-iradi, bazən isə şüurlu şəkildə özünün ona olan münasibətini ifadə edir. Insan onun üçün vacib olan bir şeyi çəkməyi çətin ki unutsun, ikincidərəcli hesab etdiyinə isə daha az diqqat ayıracaqdır. Əgər hansisa mövzu xüsusi olaraq narahat edirsə, onu çəkərkən təşviş əlamətləri görünəcək. Rəsm həmişə hər hansı obrazlarda gizlənmişdir. Burda ən vacib məsələ müayinə  zamanı  şəxsin  nə demək istədiyini anlamaqdır. İnsanın şüurlu, dərk olunan münasibətlərini birinci növbədə şüuraltı, dərk olunmayan impuls və narahatlıqlarını əks etdirməsi üçün vacibdir. Məhz buna görə, özünü realda olduğundan fərqli göstərmək, rəsm testlərini “saxtalaşdırmaq” çətindir.

Digər tərəfdən  insanın bir çox psixoloji xüsusiyyətini müəyyən etməyə imkan verir. Bununla yanaşı, onların keçirilməsi sadədir, qələm və vərəqdən başqa xüsusi materiala ehtiyac duyulmur.

Rəsm metodikalarının digər müsbət cəhəti onların təbiiliyi insanın adi davranış və fəaliyyətinə yaxınlığıdır. Bu və ya digər rəsm çəkmə təcrübəsi demək olar ki, hər bir insanda mövcuddur. Bu məşğuliyyət daha çox uşaqlara yaxındır, buna görə da, uşaqların müayinəsi zamanı rəsm metodları daha çox istifadə olunur. Metodikanın yerinə yetirilməsi üçün nitqin inkişafının yüksək dərəcədə olması vacib deyil,uşaq təlimatı asanlıqla anlayır və yerinə rahat yetirə bilir. Rəsm testləri  məktəbəqədər yaşdan başlayaraq böyük yaşlarda da  psixoloji vəziyyəti aşkarlamağa gözəl bir nəticə verir. Müxtəlif cür rəsm testləri vardır ki, bunlarla bir çox analizlər etmək psoblemi aşkarlamaq olar.

İnsan rəsmi

Mövcud olmayan heyvan rəsmi

Ailə rəsmi

Heyvanlar ailəsi rəsmi

Gözəl rəsm

Gözəl ağac rəsmi testi və s.

Sadaladığımız rəsm testləri ilə keçmişdəki və hal hazırdakı emosional vəziyyət aşkarlana bilər.

Fazilə Camalova

Psixoloq, refleksoloq