Adətən yay obrazları ilə əlaqələndirilən ağ cins şalvarlar silistlər tərəfindən getdikcə daha çox payız kapsullarına daxil edilir. Onlar bu geyimi isti və qalın parçalarla, həcimli sviterlərlə və klassik palto ilə birləşdirirlər.

“Gencaile.az” saytı xarici mediaya istinadən xəbər verir ki, Cennifer Lopez də, ağ cinslə öz obrazını nümayiş edirib.

Üst geyim

O, sinəsində mavi rəngdə minimalist naxışı olan ağ hudini seçib. Bu detal obraza rahatlıq və yüngüllük qatır. Hudi altına isə ağ köynək geyinərək stilini tamamlayıb. Qeyd edək ki, köynəyi kontrast rəngdə də seçmək olar.

Aşağı geyim

Düz kəsimli ağ cinslər incə ayaqları vurğulayır. Müğənni topuqları açıq qoyan bir qədər qısaldılmış model seçib. Ağ üst və alt birlikdə təmiz və təravətli görüntü yaradır.

Ayaqqabı

Ayaqlarında zolaqlı sliponlar (espadrillər) var. Zolaqlı print monotondan ibarət olan obraza maraqlı vurğu qatır.

Ümumilikdə, bütün geyim çox harmonik görünür. Bu, komfortla eleqantlığın birləşdiyi “casual chic” üslubunun ideal nümunəsidir. Obraza gün eynəkləri və minimalist zinət əşyaları son tamamlayıcı toxunuş verir.

Niyə ağ cinslər 2025-in trendidir?

Universallıq

Artıq bu, sadəcə yay geyimi deyil. Dizaynerlər və influenserlər göstərirlər ki, ağ denim payızın qalın materialları – tvid, yun, dəri və kaşmir ilə də mükəmməl uyğunlaşır.

Təravət və eleqantlıq

Ağ rəng hər bir obrazı daha təmiz və zərif göstərir. Payız qarderobunda üstünlük təşkil edən tünd çalarlara yüngüllük qatır.

Kontrast oyunu

Ağ cinslər qara, qəhvəyi, boz, həmçinin parlaq vurğulu rənglərlə əla kontrast yaradır. Bu isə çoxsaylı maraqlı kombin variantları təqdim edir.

Payız üçün hansı modelləri seçmək olar?

Düz kəsim – Ən klassik və universal variantdır. Eleqant siluet yaradaraq həm gündəlik, həm də ofis stilinə uyğun gəlir.

Enli modellər – Palazzo və yüksək belli enli cinslər hələ də dəbdədir. Onlar həm dinamik, həm də rahat görünüş verir. Enli modelləri dar üstlə və ya həcimli sviterlə kombinləmək olar.

Kleş – Dizdən və ya buddan enən cinslər yenidən dəbdədir. Ayaqları uzun göstərir, bohem üslubu əlavə edir. Ən yaxşısı, onları dabanlı və ya platformalı ayaqqabı ilə geyinməkdir.

Karqo – Üzərində iri cibləri olan funksional cinslər streetstyle sevənlər üçün qalır. Ağ rəng bu modeli daha yumşaq göstərir.