Bu dəfə Türkiyənin ən cənub vilayəti olan Hataydayam. Mərkəzi Antakya olan Hatay vilayətinin və Türkiyənin əsas dəniz limanlarından biri Aralıq dənizi sahillərindəki İskəndərun şəhəridi. Bu şəhər qədim tarixi olması ilə yanaşı, özündə Avropa memarlıq üslübünü, xüsusilə fransız modelini əks etdirən binaların çoxluğu ilə tanınır. Suriya ilə sərhəddə yerləşən Hatay vilayətinə və İskəndərun şəhərinə xeyli sayda suriyalı da sığınıb. Bu isə onsuzda çox olan əhali sıxlığını bir qədər də artırıb.
Beləliklə, “Gencaile.az” saytının “Fototurist” rubrikasında İskəndəruna virtual səyahət edəcəksiniz. Fotolara jurnalist Araz Əhmədovun obyektivindən baxacaqsınız.
