İpək şallar, əslində ilk baxışdan göründüyündən daha universaldır. Şalı boyuna bağlamaq ən çox yayılmış və populyar üsul olsa da, ondan istifadə etməyin bir neçə üsulu var, qalstuk kimi taxa, boyuna sarıya və ya sadəcə çiyinlərinizə ata bilərsiniz. Başqa bir yol da var: şalı saça bağlamaq yaz mövsümünün əsas tendensiyalarından biridir. Belə bir şal demək olar ki, istənilən obraza uyğun gəlir, onlar palto, kurtka, pencək, yun jaket, köynək, sviterlər və ya ipək bluzlarla da eyni dərəcədə effektli görünür.
Birincisi, bu aksesuar yaz obrazını ahəngdar şəkildə tamamlayacaq, ikincisi, rənglərlə oynamağa kömək edəcək.
“At quyruğu”nu sabit saxlamaq üçün atlaz lenti saça rezin yerinə və ya onun üzərinə də bağlamaq olar. Yaxud da hörüklə birləşdirmək olar. Amma elə rənglər seçin ki, paltarla kontrast olsun. Stilistlər şalı həm də obodok əvəzi taxmağı təklif edirlər. Obraza böyük sırğalar əlavə edin – bu, üzünüzü vurğulmağa kömək edəcək.
Şal yalnız gözəl bir aksessuar deyil, həm də funkional baş örtüyü ola bilər. Xüsusilə klassik plaşların fonunda şal çox gözəl görünəcəklər.
