İndi elm dünyasına genetika haqqında daha çox məlumat məlumdur. Bu gün hər kəs bilir ki, uşaq sağlamlığını, hətta zehni qabiliyyətini hər iki valideynin genlərindən miras alır.
Bəzi xasiyyət və xüsusiyyətlərin ötürülməsində analar, bəzilərinin ötürülməsində isə atalar məsuldur. Bəs uşaq genetik “mirasında” nələri atadan, nələri anasından alır?
Boy və bədən quruluşu
Basketbolçu atanın qısaboy uşağının olması ehtimalı azdır. Statistikaya görə, uşağın boy hormonlarının 70%-i atadan asılıdır. Ana miniatürdürsə, onun genetikası proporsiyaları bərabərləşdirəcək, ancaq atanın genləri yenə də üstünlük təşkil edəcək. Bədən quruluşunun və əzələlərinin forması da daha çox kişinin genetikasından təsirlənir, lakin dırnaqların forması 60% hallarda anadan ötürülür.
İntellekt
Ötən əsrin 80-ci illərinin tədqiqatlarının nəticələrinə görə, ana uşağa zehni qabiliyyətləri X xromosomu vasitəsilə ötürür. Əlbəttə, insanın zehni qabiliyyəti zamanı digər amillərin birləşməsi də əhəmiyyətli dərəcədə təsir göstərir: yaşayış şəraiti, özünü inkişaf etdirmək istəyi, hətta qida keyfiyyəti. Oğulların əqli istedadı əsasən anadan, qızların isə hər iki valideyndən aldığı barədə araşdırmalar var.
Sağlamlıq
Fiziki və psixi sağlamlığa gəlincə, valideynlərdən hər biri uşağa genetik xüsusiyyətlərini ötürə bilər. Mərkəzi sinir sistemi ilə görmə orqanlarının vəziyyəti, eyni zamanda ürək-damar ağırlaşmaları anadan ötürülür. Atanın genləri reproduktiv problemlərə (oğullarda), həmçinin bipolyar pozğunluğa və diabetə səbəb ola bilər.
Diş
Əgər uşağın dişlərində əyrilik, malokluziya, nazik mina kimi problemlər varsa, o zaman, elmi məlumatlara görə, ata genləri “günahkardır”. Dişlərə və çənə formasına cavabdeh olan kişi genləri qadınlardan daha güclüdür, bu da o deməkdir ki, yüksək ehtimalla uşağınızın dişləri atasınınkinə bənzəyəcək.
Saç
Çoxları saç tökülmə geninin oğlanlara atalarından keçdiyinə inanır. Amma məlum olub ki, belə deyil. İrsi keçəllik hallarının 75% -ində qadın, yalnız 25% -ində kişi geni tapılır. Odur ki, oğullarının saçına görə narahat olan qadınlar təkcə ərlərinin deyil, atalarının da saçlarına fikir verməlidirlər! (Publika.az)
