Körpələrin rahat yatması və gününü xoş keçirməsi üçün qaz əmələ gətirməyən qidalar yeməsi lazımdır. Burada ən böyük yük ananın üzərinə düşür. Çünki onun istehlak etdiyi qidalar bir başa körpənin sağlamlığını və inkişafını dəstəkləyir. Lakin bəzi meyvə-tərəvəzlər istehlak olunduqda qaz yaradır ki, bu da körpələrin narahatlığına səbəb olur.
Bu yazıda körpələrdə qaz yaratmadan istehlak edilə biləcək qidalardan danışacağıq.
Çiyələk
Həm süd verən analar, həm də əlavə qidalar yeməyə başlayan körpələr üçün çiyələk ideal meyvə seçimidir. Bu meyvə aşağı kalorilidir və tərkibində su çoxluq təşkil edir. Bu səbəbdən körpələrin həzm sistemini yormur.
Qovun
Bağırsaqları yormayan qovun asan həzm olunduğu üçün ayına uyğun şəkildə körpələrə verilə bilər. Bu meyvə lif və vitamin baxımından zəngindir. Onu körpəyə püre şəklində vermək məsləhətdir.
Kivi
Kivi süd verən analar tərəfindən istehlak olunmalıdır. Bu zaman onun həzmi körpəni yormur və meyvənin faydalarından daha çox yararlanmış olur. Zaman keçdikcə körpənin həzm sisteminə uyğun olaraq püre şəklində verilə bilər.
Avokado
Avokado mədə fermentləri üçün faydalıdır. Tərkibindəki E vitamini sayəsində körpənin inkişafını dəstəkləyir, rahat yatmasını təmin edir.
Banan
Bu meyvə körpələrdəki ishal problemini aradan qaldırır və qidalanmasını dəstəkləyir.
İspanaq
İspanaq antioksidant minerallarla zəngindir.
Qırmızı ət
Körpələrin qidalanmasında olduğu qədər beyin inkişafında da qırmızı ət xüsusi rol oynayır.
Düyü
Düyü qaz yaradan taxıl məhsulu deyil. Bundan başqa düyü istehlakı doyurucudur. Ana bu qidanı qəbul edərək körpənin də istehlak etməsinə vasitəçi ola bilər. Lakin çox miqdarda istehlak edilən düyü qaz yaratmasa da qəbizliyə səbəb ola bilər.
DR. Rəna Bayramova
MayoMed klinikasının pediatr və kliniki dietoloqu
