Bir neçə Avropa ölkəsinin ənənəsinə görə Yeni İl axşamı qırmızı geyinmək sadəcə sevgidə deyil, istənilən sahədə uğur gətirir. Bu inanc xüsusilə İspaniyada aktualdır. Təsadüfi deyil ki, Madriddə və ya Barselonada demək olar ki, bütün vitrinlər alqırmızıya bürünür.
Bu, qırmızı aksessuar, ayaqqabı, ətək, köynək, pencək, şalvar, don, corab, hətta dodaq boyası da ola bilər. “Oskar” mükafatlandırma mərasimi və digər yüksək səviyyəli sosial hadisələrin təcrübəsindən birmənalı olaraq deyə bilərik ki, qırmızı əşyalar həmişə diqqəti cəlb edir. Stilistlərin sözlərinə görə, bayram axşamı obrazınızdan qırmızıdan istənilən qədər istifadə edə bilərsiniz, hətta başdan ayağa qırmızıya bürünməyə icazə verilir.
