C vitamini soyuqdəymə zamanı daha faydalıdır, çünki, bu vitamin çatışmadıqda immunitet sistemi zəifləyir və nəticədə, bir çox xəstəliklər meydana çıxır. Xüsusilə də, fəsil dəyişikliyi zamanı xroniki yorğunluğun müalicəsində C vitamini əhəmiyyətli rola malikdir. Başda sitrus meyvələri olmaqla pomidor, cəfəri, çiyələk, böyürtkən, kələm və başqa meyvə-tərəvəzlər C vitamini ilə zəngindir. Bəs C vitamini çatışmazlığı hansı fəsadlara səbəb olur? İlk növbədə deyək ki, bunlar əsasən əzələ-oynaq ağrıları, yorğunluq, keyləşmə, diş ətində şişkinlik (və ya qanama), dərialtı qanaxma, təngnəfəslik, sümük kövrəkliyi və s.-dir. Bir şeyi də unutmaq olmaz ki, bu vitamin hava ilə təmasda olduqda təsirini itirir, su ilə “təmasda olduqda” isə əriyir. Digər tərəfdən, C vitaminli qidaları dondurucuda 2 aydan çox saxlamaq məsləhət deyil. Günəş şüasında qurudulmuş badımcan, pomidor kimi tərəvəzlərdə də C vitamini itkisi ola bilər.
Ölkəmizdə gənclərə, gənc ailələrə dövlət səviyyəsində diqqət və qayğı ildən-ilə artırılır, gənc ailələrin sosial problemlərinin həllinə diqqətlə yanaşılır. Gənclərin problemlərinin həllinə yönəlik, eləcə də gənclərin inkişafının stimullaşdırılmasına hesablanmış proqramlar, çoxsaylı layihələr həm də gənc ailələrin problemlərinin həllini təşviq edir.