Necə edim ki əks cinsin xoşuna gəlim? Bu sual xanımları çox düşündürür. Kişilərin gözləri isə daim axtarir.Kimi? Əlbətdə gözəl və ehtirasli qadını.
Ehtiraslı və seksual qadının “baza”sında nələr olmalıdır? Cazibədarlıq nə hündür boyla, nə uzun ayaqlarla, nə gözəl saçlar, nə də qüsursuz üzlə ölçülmür. Bir çox qadınlar var ki, kişilər onlar tərəfə heç gözlərinin ucu ilə də baxmırlar.
İstənilən qadın, hətta gözəl olmayan qadın belə, xüsusi şərtlərə əməl edərək ən cazibədar və “can alan” xanıma çevrilə bilər. Güzgünün qarşısına keçin, özününzə tamam başqa gözlə, lakin diqqətlə baxın:
Düz kürək, boyun və çiyinlərdən uzaqsınızsa, ürəyinizi səxmayın. Ən münasib yerdə ən asan idman növü ilə məşğul olun. İdman hərəkətləri sizi yaşınızdan ən azı 5 yaş cavan saxlayacaq. Gözəl qamətli, incəbelli xanımlara baxan kişilər fikirlərində ağlagəlməz seksual fantaziyalar qururlar.
Ehtiraslı qadının fiqurası
Kim deyir ki, kişilər kök xanımları xoşlamırlar? Əksinə, nağara çubuqlu ayaqlar, kürəyin 12 qabırğasının da birdən görünməsi heç də ürəkaçan deyil. Boyunuza uyğun çəki: BUDUR İDEAL BƏDƏN….
Həddən artıq köklük, ağırlıq, bir sözlə, “yekəpərlik” heç vaxt cazibə şərti sayılmır.Ən pəzəvəng kişilər də həmişə böyük çəkili və irigövdəli xanımlardan çəkiniblər. Çünki onunla “bacarmamaq” qorxusu onların beyninə həkk olunub. Aşağı ətrafların enini və həcmini konkret olaraq 90 sm-ə çatdırmaq üçün əl-ayağa düşməyin.Son vaxtlar sübut olunub ki, kişiləri qadın budlarının köklüyü narahat etmir, əsas belin incəliyidir. Kişilər qollarının asanlıqla sarıla bildiyi və əllərinə sığışan belin “dəlisidirlər”.
Ehtiraslı qadının saçları
Saç qadını uzaqdan, arxadan və ani görünüşdə nəzərə çarpdıran ən başlıca amildir. Əgər saçlarınızın quruluşu və görünüşü şampun reklamındakı xanımların saçlarına bənzəmirsə, onları yığmağa və kəsməyə tələsməyin. Ən gözəl saç, təmiz yuyulmuş, səliqəli daranmış, yaxud da fenlənmiş və mütləq xoş qoxu gələn saçlardır. Kişilərin 70%-i yatağa dağılmış saçların qarşısında tab gətirə bilmir.
Ehtiraslı qadının yerişi
“Kişi yerişli”, “qaçaraq” yerişli xanımlar….. hara tələsirsiniz? Belə yerişlə heç bir kişinin diqqətini cəlb etməyəcəksiniz. Ehtiraslı qadının yerişinin əlamətləri – yüngül, “qu kimi”, ayaqlar bərabər məsafədə atılır, qarın bir qədər içəri dartılmış, baş düz, çənə sinənin bərabərində olmalı, gözlər düz baxmalı, əllər yanınca yellənməməlidir. Bədən hərəkətlərinizin plastikasını artırmaq üçün rəqsə getməyiniz məsləhətdi. İşdən evə yorğun gələn istənilən kişi qadının mətbəxə incə və nazlı yerişlə keçməsinə laqeyd qalma bilmir.
Ehtiraslı qadının baxışları
Anadangəlmə seksual və mənalı baxışlar çox az adamda olur. Dünyanın bütün modelləri, Merilin Monro uzunmüddətli, təcrübə və məşqin sayəsində “can alan” baxışlara sahib olub. Güzgü qarşısında əyləşin: diqqətlə yalnız gözlərinizə baxın, yavaş-yavaş fikirlərinizdə yaxşı, maraqlı və şən hadisələr, sözlər canlandırın. Həmin an baxışınızın necə dəyişdiyini izləyin.Ssizin xoşunuza gələn baxışda dayanın, seçin və həmin baxışı yenidən məşq edin .Əks cinsin nümayəndələrinə baxanda elə edin ki, gözlərinizin dərinliyi gülsün, onunla gözləriniz danışsın.
Ehtiraslı gülüş
Heç bir kişi gülüşə, özü də qımışaraq gülən gülüşə biganə qala bilməz. Gülərkən, danışarkən dişlərinizin 32-sini, ağzınızın içini göstərməyin .Bu kişini qorxuda bilər.Ciddi, bir-birinə yüngülcə toxunan dodaqlar, incə gülüş, mütləq və mütləq təmiz dişlər….
Araşdırmalara görə, ilk tanışlıq zamanı kişilərin 80%-i xanımın gözlərinə, dodaqlarına, dişlərinə baxır. Dodaqlarınız ya həmişəlik onu sizə bağlayacaq, ya da əbədi uazqlaşdıracaq. Çox qırmızı vəya tünd rəngli dodaq boyası çəkməyin.Ümumiyyətlə, kişilər boyasız, bir qədər nəm dodaqları xoşlayır.
Bədənin ehtiraslı ətri
Çox vaxt olur ki, gözəl bir kişi ona yaraşmayan və çirkin bir qadınla görüşür və evlənir. Bu, çox gözəl qadınları özündən çıxarır. Amma əsəbləşməyə dəyməz. Əsas məsələ bədənin ətrindədir. Qadının dərialtı piy təbəqəsinin ifraz etdiyi xüsusui rəngsiz, lakin iyli maddə spesifik və özünəməxsus olur. Lakin bu qoxu hər kişiyə xoş gələ bilməz. Bədənlərinin bir-nbirinə xoş və “oyadıcı” təsir edən evli cütlüklərin nigahı daha uğurlu olur. Heç bir bahalı ətir və ya krem təmiz dərinin ətrini vermir. Fikir vermisinizsə, hamamdan çıxandan sonra kişilər qadınlarına daha çox yaxınlaşır, xoş sözlər deyirlər, nəinki hər hansı ziyafətə gedərkən bəzənib-düzənəndə.
Kişilər qadınlardan daha təmizkardılar, amma əksinə olmalıdır. Ayaqlarınızı, qollarınızı depilyatorla təmizləyirsinizsə, onu müntəzəm edin. Kişiləri bilmək olmaz. Hərdən onların “yoxlama” əməliyyatları olur. Buna hazır olun.
