Tozsoran hər bir evin əvəzolunmaz məişət cihazı sayılır. Ehtiyatlı istifadə etməli olduğunuz tozsoranların ömrünü qısaltmaq, iş keyfiyyətini aşağı salmaq istəmirsizsə, bəzi tullantıların bu cihazın içərisinə düşməsinə imkan verməməlisiniz.
Həmin tullantıların siyahısını və səbəbləri təqdim edir.
Böyükölçülü şüşə qırıqları
Evdə şüşə qırıldıqda dərhal tozsorana tərəf qaçırıq. Ancaq unutmayın ki, böyükölçülü şüşə qırıntıları tozsoranın içərisini dağıdır.
Yaş qəhvə
Qəhvə aparatının filtrində yığılan yaş qəhvəni yerə tökdüyünüzdə dərhal tozsoranı işə salmayın. Çünki yaş qəhvə elektrik süpürgəsinin borusunda tıxaca səbəb ola bilər, motoru sıradan çıxarar.
Kül
Külü tozsoranla götürdükdə xırda dənəciklər arxadan havaya sovrulur, yəni evə…
Kağız parçaları
Bir neçə kağız parçası problem deyil. Ancaq çox olsa, tozsoranın mühərrikini sıradan çıxara bilər.
Kosmetik vasitələr
Kosmetik vasitələr cihazın içində əriyə və ciddi fəsadlar ortaya çıxara bilər.
Bitki yarpaqları
Yerə düşən yarpaqları tozsoranla təmizləmək can rahatlığıdır. Ancaq bu, cihazın ağzının tutulmasına səbəb ola bilər.
Maye maddələr
Yəqin bunu bilirsiz ki, mayeni tozsoranla çəkmək olmaz.
Saç
Az miqdarda saçı tozsoranla çəkmək problem yaratmaz. Ancaq topayla olsa, boruda tıxaca səbəb ola bilər.
