Fransız mətbəxi olduqca məşhurdur. Fərqli-fərqli dadları ilə seçilir. Bu gün Fransa mətbəxinə aid olan ratatuy reseptini sizə təqdim edirik:
Ərzaqlar:
1 ədəd badımcan
1 ədəd balqabaq
2 ədəd pomidor
1 ədəd qırmızı bibər
1 ədəd yaşıl bibər
1 ədəd soğan
3 diş sarımsaq
2 xörək qaşığı zeytun yağı
1 çay qaşığı duz
1/2 çay qaşığı qara istiot
1/2 çay qaşığı kəklikotu (isteğe bağlı olaraq reyhan da olar)
Pomidor sousu üçün:
3-4 ədəd yetişmiş pomidor
1 diş sarımsaq
1 xörək qaşığı zeytun yağı
Bir çimdik duz və şəkər
Hazırlanma qaydası:
1. Pomidor sousunu hazırlayın:
Pomidorları rəndələyin və tavaya əlavə edin. Zeytun yağı və əzilmiş sarımsağı əlavə edin. Duz və bir az şəkər səpib 10-15 dəqiqə bişirin. Hazır sousu soba qabının dibinə yayın.
2. Tərəvəzləri doğrayın:
Badımcan, balqabaq, pomidor və bibərləri eyni qalınlıqda (təxminən 0.5 sm) dairəvi şəkildə doğrayın.
3. Dizayn edin:
Sobaya girən dərin bir qabın dibinə pomidor sousunu tökdükdən sonra doğranmış tərəvəzləri növbə ilə (məsələn: badımcan – balqabaq – pomidor – bibər) spiral şəklində düzün.
4. Üzərinə ədviyyat əlavə edin:
Duz, istiot və kəklikotu səpin. Zeytun yağını üzərindən gəzdirin. Sobanı 180°C-də əvvəlcədən qızdırın. Üzərini folqa ilə örtüb 30 dəqiqə bişirin. Sonra folqanı çıxarıb əlavə 15-20 dəqiqə də bişirin ki, üstü azca qızarsın.
Servis tövsiyəsi:
Ratatuy tək başına vegetarian yeməyi kimi təqdim oluna bilər, ya da qızardılmış çörək və ya düyü ilə süfrəyə verilə bilər. İsti və ya ilıq şəkildə əla dad verir.
