Kiçikdən-böyüyə çoxlarının sevimli yeməyi hamburger hazırlamaq istəyirsiniz? “Gencaile.az”-ın təqdim etdiyi bu reseptlə evdə, tam sağlam şəkildə hamburgerinizi hazırlaya biləcəksiniz.
Lazım olan ərzaqlar:
Çəkilmiş mal və ya toyuq əti
1 ədəd soğan
2 ədəd pomidor
Xiyar turşusu
1 çay stəkanı süd
Yarım dəstə cəfəri
1 çay qaşığı xardal
Duz, qara və qırmızı istiot
Ketçup
Kahı
Mayonez
Holland pendiri
Hamburger çörəyi
Hazırlanması:
Bir qabın içərisinə çəkilmiş mal və ya toyuq əti, əzilmiş çörək, süd, xardal, duz, ədviyyat, xırda doğranmış cəfərini, soğanı əlavə edib yoğurun. İçlikdən hamburger küftələri hazırlayıb qızardın.
Hamburger çörəyinin içərisinə mayonez, ketçup vurub qızartdığınız küftələri əlavə edin. Daha sonra pomidor, xiyar turşusu, zövqə görə soğan, Holland pendiri, kahı qoyub yeyə bilərsiniz.
Nuş olsun!
