“Gencaile.az” saytının “Harda nə yeyək?” rubrikasında bu dəfə Danimarka mətbəxi haqqında danışacağıq.
Bir qayda olaraq yeməkləri bir-birinə qarşıdırmayan və onları xüsusi ardıcıllıqla yeməyə üstünlük verən danimarkalıların mətbəxinin əsasını smorrebrot (hərfi mənası yağ çörəkdir) adlanan sandeviç təşkil edir. Adətən yağ, ət və pendirlə süfrəyə verilir. Bir qayda olaraq stol arxasında yeyilməlidir.
Ölkədə həmçinin balıq, ət, isti yeməklər, pendir və konfetlərdən ibarət koldt bord adlanan səhər yeməyi də məşurdur. Digər səhər yeməyi Morgen-complet isə çay, çörək, pendir, yumurta və peçenyedən ibarətdir.
Yerli əhalinin nahar və axşam yeməyi üçün də hazırladığı ənənəvi yeməklər var. Məsələn, qravad leks (şirin xardal sousunda verilən cəfərili duzlu qızılbalıq), xvid labskovs (mal əti ilə kartofdan hazırlanan raqu ilə dəfnə yarpağı), vinebrot (bütün dünyada tanınan daniya bişməsi) kimi yeməklər buna misal ola bilər.
Danimarka mətbəxində qəhvə də xüsusi yer tutur, amma bu ölkənin yeganə populyar içkisi deyil. Məsələn, Carlsberq, Aquvait, Glogg kimi içkilər ən çox istifadə olunanlardandır.
Hazırladı: Aydan Kərimli
