Heyva iə qoyun ətindən hazırlanan yemək… Yəqin ki, bunu oxuyanda çoxunuz təəccüblənəcəksiniz. Bu iki qidanın bir-biri ilə əlaqəsi nədir?
“Gencaile.az” saytı bu dəfə “Yeməyə nə var?” rubrikasında sizə hazırlanması sadə, dadı isə fərqli olan bir yemək ressepti təqdim edəcək.
Yeməyin hazırlanması üçün lazım olan ərzaqlar:
800 qram qoyun əti
2 heyva
1 iri soğan
1 çay qaşığı zirə
duz, istiot
bitki yağı
təxminən yarım stəkan bulyon
Hazırlanması:
Əvvəlcə əti yağda qovurun. Sonra heyvanı dilimləyin, ortasını kəsin. Soğanı halqalar şəklində doğrayın. Ətin üzərinə əvvəl heyva, sonra soğanı düzün, duz, istiot, zirə əlavə edin, bulyon tökün. 1-1,5 saat ərzində zəif odda bişirin. Masaya düyü, bulqur, püre ilə vermək olar.
Nuş olsun!
Hazırladı: İlahə Atəş
