Aranızda sirr yoxdur
Güclü mənəvi bağlılıq bütün yalanları və saxtakarlığı səndən uzaqlaşdırır. Münasibətinizdə onlara ehtiyac duyulmur, hətta “şirin” yalan olsa da
Bir-birinizə yalan danışmırsınız. Biriniz səhv etdikdə münasibətlərinizə mənfi təsir edə biləcəyindən qorxmadan bu barədə bir-birinizə etiraf edirsiniz. Əminsiniz ki, partnyorunuz sizi başa düşəcək və qarşılıqlı razılıq əldə olunacaq.
Münasibətlərdə rahatsınızsa
Partnyorunuzun yanında inanılmaz dərəcədə rahatsınız. Rahatlıq zonası birlikdə olduğunuz yerdir. Sevdiyiniz yanınızda olanda bütün məsələlər, problemlər öz əhəmiyyətini itirir və ya gözünüzdə əvvəlki qədər böyük görünmür.
Eyni hədəfləriniz varsa
İki insan arasında güclü mənəvi bağlılıq varsa, prinsip və hədəflərin oxşar olması təsadüfi deyil. Eyni şey ailə dəyərlərinə də aiddir. Güclü mənəvi bağlılıq gələcək həyata baxışların oxşarlığı deməkdir. Bu, birlikdə yaşamaqdan zövq almağa imkan verir.
Bir-birinizi intellektual baxımdan da cəlb edirsinizsə
Tamamilə fərqli insanların birgə xoşbəxt ömürsürmə ehtimalı çox aşağıdır. Cütlükləri bir-birinə bağlayan ortaq cəhətlər olmalıdır. Qəlblərin bir-birinə ruhən bağlanmasından savayı, intellektual cazibə də olmalıdır ki, saatlarla istənilən mövzuda danışa biləsiniz. Problemlərinizi rahatlıqla bölüşürsünüz, inanırsınız ki, ən yaxşı həll yolunu birlikdə tapa bilərsiniz.
Sizi bir-birinizə bağlayan yumor hissi varsa
Əbəs yerə demirlər ki, gülüş ən yaxşı dərmandır. Yumor hissiniz eynidirsə, o zaman eyni şeylərə birlikdə və daha çox gülmək şansınız var. Çünki gülmək ovqatı yüksəldir, sizi gözəl işlər görməyə ruhlandırır, ən əsası cavan və şux saxlayır.
