İnsanları tanımaq asan deyil, ilk tanışlıqdakı nəzakət incəlik zaman içində dəyişir, yaxşı tanıdığımız adamı əslində heç də tanımadığımızı anlayırıq. Psixoloqlar insanı tanımağın 6 qızıl qaydasını sadalayıblar.

Beləliklə, həmin qaydaları təqdim edirik.

1- İnsanın oxuma vərdişləri onun haqqında çox şey deyir. İnsanlar kitab oxuyurlarsa, hansı janrlara üstünlük verdiklərinə və onları nə qədər tez-tez oxuduqlarına diqqət yetirin.

2 – İnsanın baxdığı filmlər və seriallar, onlara sərf etdiyi vaxt onun haqqında mühüm məlumatlar verə bilər. İnsanın seçimlərini necə etdiyini, populyar olana üstünlük verməsini və ya daha çox niş sahələrə yönəldiyini görmək onun sosial təsirlərə nə qədər açıq olduğunu və nə qədər öz müstəqil zövqlərini yarada biləcəyini anlamağa kömək edir.

3 – Bir insanın davranışı əsasən onun xarakterini və dəyərlərini əks etdirir. Kiminsə sizə qarşı mehriban, anlayışlı, nəzakətli və yaxşı rəftarına dərhal qapılmayın. Əhəmiyyətli olan bu münasibətin onun başqaları ilə münasibətlərində uyğun olub olmadığını müşahidə etməkdir. Məsələn, yemək yediyiniz restoranda ofisiantla necə rəftar edir, ticarət mərkəzindəki kassirlə necə davranır, həmkarlarına və ya işçilərə münasibəti necədir? Ailəsinə, anasına, qardaşlarına, qohumlarına necə münasibət bəsləyir və onlar haqqında nə deyir? Telefon danışıqları, tıxacda səbirli olması, qəzəbi idarə etməsi kimi vəziyyətlər də onun şəxsiyyətinin mühüm cəhətlərini ortaya qoyur.

4 – Ən əsas əlamət- başqaları haqqında necə danışır ?

Əgər kimsə davamlı olaraq başqa insanlar haqqında danışırsa və bu sizi narahat edirsə, bu, emosional manipulyasiya əlaməti ola bilər. Başqalarını düşünərək sizi təsirləndirməyə çalışmaq, sizi qısqandırmağa çalışmaq və ya davranışınızı müəyyən bir şəkildə istiqamətləndirməyə çalışmaq təhlükəli bir manipulyasiya növüdür. Onun başqaları haqqında nə danışması çox vacibdir. Kimsə başqaları haqqında davamlı olaraq pis, çirkin və ya ittihamedici sözlər söyləyirsə, bu mənfi şəxsiyyət xüsusiyyətini göstərə bilər. Davamlı olaraq özünü qurban kimi göstərirsə, bu da diqqət yetirməli bir şeydir. Keçmiş məsələlər və başqaları haqqında danışmağı daim seçmək, insanın keçmişdə ilişib qaldığını və ya başqaları vasitəsilə etibar qazanmağa çalışdığını göstərə bilər.

5 – Böhran anlarında özünü necə aparır?
Böhran anları insanın xarakterini, şəxsiyyətini və əsas quruluşunu anlamaq üçün çox vacib məqamlardır.
Hər şey yaxşı gedəndə hər kəs sakit və şən ola bilər, amma uğursuzluqlara necə reaksiya verirlər?
İnsanın böhran zamanı davranışı onun çox vaxt ifadə etmədiyi və ya bilmədiyi şəxsiyyət xüsusiyyətlərini ortaya qoyur. Bu cür vəziyyətlər onların həqiqətən kim olduqları və gələcəkdə necə reaksiya verə biləcəkləri haqqında məlumat verir. Diqqət etmək lazımdır.

6 – O sizi necə dinləyir?
Bir insanın sizi necə dinləməsi münasibətlərin keyfiyyəti və qarşılıqlı hörmət üçün çox vacibdir. Birini diqqətlə və səmimi şəkildə dinləmək, ona dəyər verdiyinizi və ciddi qəbul etdiyinizi göstərir. Həqiqətən dinləmək insanın sözlərinə diqqət yetirmək, maraqlanmaq və onu tanımaq istəmək deməkdir. Bu, birlikdə keçirdiyiniz vaxta hörmətin əksidir. Əgər bir insan təkcə sizi deyil, başqalarını da səmimi və diqqətlə dinləyirsə, bu, onun hər kəsə qarşı hörmətli və empati qabiliyyətini  göstərir.