Həyatın çətin dövrlərində insanlar tez-tez müxtəlif ifadələrlə bir-birini sevindirməyə çalışırlar. Ancaq bəzi ifadələr və ya məsləhətlər insana zərər verə bilər.
Psixoloqlar “axsamaq vaxtı deyil”, “dayanmalısan” və ya “parçalana bilməzsən” kimi ifadələrdən qaçmağı tövsiyə edir.
“Gencaile.az” saytına mövzuyla bağlı açıqlama verən PRİM – “Psixososial Reabilitasiya və İnkişaf Mərkəzi”nin direktoru, psixoloq M.Almara Ağaqızı deyir ki, çətin anlarda kədəri göstərməyin qəbuledilməz olduğu bu cür ifadələr emosional rifaha mənfi təsir edə bilər. Həmişə “dayanmağın” sağlam bir yanaşma olmadığını başa düşmək vacibdir. Həyatda gərginlik və istirahət dövrləri olur. Və bu harmoniyanın pozulması psixi sağlamlıq üçün ciddi nəticələrə gətirib çıxarır.
Mütəzəssis bildirir ki, buna görə də, çətin anlarda belə, özünüzə ağlamağa, kədərlənməyə icazə vermək vacibdir. Buraya mənfi emosiyaların özünü ifadə etməsi üçün rahat mühitin yaradılması, məsələn, onları dəftərə yazmaq, özünə şəfqət göstərmək və özünüzlə danışmaq daxil ola bilər. Mütəxəssislər vurğulayırlar ki, duyğularınızla baş-başa qalmamaq, daha çox onları təhlükəsiz hiss edərək yaxınlarınızla bölüşmək vacibdir. Həmçinin fiziki və psixi sağlamlığın qorunmasının əsası olan sağlam həyat tərzini, o cümlədən müntəzəm idman, düzgün qidalanma və normal yuxunu unutmayın.
Ekspertin sözlərinə görə, hər kəs öz vəziyyətinə görə məsuliyyət daşımalıdır və çətin anlarda özünü təcrid etmək deyil, vaxtaşırı dincəlmək və ruhu rahatlaşdırmaq üçün imkan vermək vacibdir. İstənməyən məsləhət təhqiredici və acizlik hisslərinə səbəb ola bilər. Çünki o, digər insanın öz təcrübələrinə və hisslərinə məhəl qoymadan onun nəyə ehtiyacı olduğunu daha yaxşı bildiyinizi güman edir. Buna görə də, başqasının şəxsiyyətinə empatiya və hörmət göstərmək, hadisələrin tam mənzərəsini düzgün başa düşmədən öz mühakimələrində israr etməmək vacibdir.
Salam, mece ceniyyeti narahat eden meseledir. Yaxsi toxynmusunuz. Tesekkur edirem.
Məsləhət vermək olar, amma baxır nə deyirsən, hansı mövzuda deyirsən
İndi kime soz demeleidi ki hele bir meslehet de veresen