Kiçik bir otağı rahat hala salmaq göründüyü qədər çətin deyil. Ancaq burda diqqətli olunacaq bəzi məqamlar var.
“Gencaile.az” saytının “Evin işi” rubrikasında həmin məqamları təqdim edirik:
Saxlama hissələri olan yataq seçimi
Kiçik yataq otağında az sahə olduğu üçün çox az mebel yerləşdirmək lazımdır. Buna görə də çalışıb əlavə saxlama hissələri olan yataq seçmək məsləhətdir.
Bu cür modellər olduqca tez-tez tapılır. Buna görə də onlara diqqət yetirməyə dəyər. Əlavə əşyalarınızı həmin hissələrə yerləşdirməklə otaqda səliqə yarada bilərsiniz.
Minimal mebel
Yuxarıda qeyd edildiyi kimi, yataq otağında lazımsız mebel parçaları yerləşdirməməlisiniz. Məsələn, otaqda siyirtməli kiçik şkaflardan imtina etməyiniz tövsiyə edilir. Bütün divarı tavana qədər əhatə edən yalnız bir böyük şkaf yerləşdirmək daha yaxşıdır.
Gözəl rəng
Kiçik otaqları açıq rənglərlə bəzəmək onların daha geniş görünməsinə şərait yaradır. Bu, məkanı daha geniş etməyə imkan verir. Bununla belə, əsas məqsəd özünüzü rahat hiss etməkdir. Buna görə də, yataq otağınızı bəzəmək üçün sizi sakitləşdirən açıq tonlu rənglərdən istifadə etməkdən çəkinməyin.
