Dünyada cinsiyyətini dəyişdirən insanların sayı hər il artır. İnsanlar doğulduqları kimi deyil, arzu etdikləri kimi yaşamaq istəyirlər. Cinsiyyətini dəyişən insanların ortaya qoyduqları arqumentlər hər nə qədər qəbul olunmaz olsa da, bu gün elmi və tibbi cəhətdən bu prosedurlar heç də mümkünsüz hesab olunmur.

“Gencaile.az” sizə kişi olaraq doğulub qadın kimi yaşayan 10 məşhur haqqında maraqlı faktları təqdim edir:

Sözsüz ki, cinsiyyətin dəyişdirilməsi dedikdə ağıla ilk olaraq türk müğənnisi Bülənt Ərsoy gəlir. Amma o, sadalanan 10-a daxil deyil. Jenna Talackova ölkəsini “Dünya gözəli” yarışmasında təmsil etmək üçün onlarla qadın arasından seçilib. Kanada gözəlinin cinsiyyətini dəyişdiyi ortaya çıxandan sonra isə yarışdan uzaqlaşdırılıb.

1. Andrea Pejik moda dünyasının ən önəmli simalarından biridir. Karyerasına kişi olaraq başlasa da, cinsiyyətini dəyişib qadın olmağa qərar verib. Bir çox firmaların geyimlərinin reklam çəkilişlərini aparan model, xüsusilə qadın alt paltarlarının reklamına çəkilib.

2. Çinin ən gənc aktrisalarından olan Çen Lilinin cinsiyyətini dəyişdirməsi rəsmi olaraq qeydə alınıb. O, rəsmi olaraq cinsiyyət dəyişikliyi qəbul olunan və yeni şəxsiyyət vəsiqəsi alan ilk şəxs hesab olunur.

3. Dünyada Lea Tini tanımayan yoxdur. Braziliyalı futbolçunun oğlu olaraq dünyaya gələn Lea özünü hər zaman qadın kimi hiss edib. Atasından fərqli olaraq futbola deyil modelliyə meyl edən Lea dünyanın ən məşhur modellərindən biridir.

4. Əslən Meksikalı olan bu gözəl də dünyaya kişi olaraq gəlib. Miriam Rivera teleaparıcıdır. Hazırda İspaniyada yaşayan gözəlçə cinsiyyətini dəyişmək istədiyinə hələ 4 yaşında qərar verib. Hazırda da telekanalda çalışan Riveraya bu qərarlarında anası dəstək olub.

5. Klaudiya Çariez iş üçün müraciət etdiyi bütün şirkətlərə qəbul edilsə də, cinsiyyətini dəyişdirdiyi məlum olduqdan sonra ödənişsiz işdən atılıb. Onu şirkəti aldatmaqda da ittiham ediblər. Lakin sonra dünya şöhrətli model olan Klaudiya 2008-ci ildə Amerikada topmodel yarışmasının qalibi olur. Ölkənin ən yaxşı transseksual modeli adına layiq görülən Klaudiyanın kişi olduğuna hələ də heç kim inanmır.

6. De La Ve Argentina – Trinidadda Roberto Karlos adı ilə doğulub. Argetinanın ən məşhur jurnallarında redaktor vəzifəsində çalışan De La Ve cinsini dəyişdikdən sonra ən məşhur aktrisalarla eyni pilləni bölüşür. Qadın olduqdan sonra bir kişi ilə ailə həyatı quran gözəlçə əkiz qız anasıdır. Təbbi ki, onun qızını başqa qadın dünyaya gətirib.

7. Berry Cosey adı ilə İngiltərədə dünyaya gələn bu gözəl də kişidir. Karolina Tula Cosey adını alan tanınmış transseksual “Playboy” jurnalları üçün soyunub. Bir çox filmlərdə rol alıb Dünyada transseksuallara dəstək vermək üçün şəxsi təcrübələri və cinsiyyətini dəyişdiyi proseslərin yer aldığı “Mən qadınam”(I am woman) kitabını nəşr etdirib.

8. Robeto Klos yeniyetməlik illərindən gizli-gizli qadın geyimləri geyinirdi. Bir müddət sonra isə ailəsindən xəbərsiz qadın hormonları qəbul etməyə başlayıb. Artıq 17 yaşına gəldiyində Klos dünyaca məşhur model və aktrisa kimi tanınırdı. O “playboy” jurnalı üçün soyunan ilk transeksuallardan biridir. Braziliyanın ən gözəl qadınları siyahısında yer alan Klos 1989-cu ildə keçirdiyi sonuncu əməliyyatdan sonra Braziliyanın ən gözəl qadını seçilib.

9. Kim Petras əslən almandır. Pop musiqi ilə məşğul olan sarışın şıltaq gözəl, uşaq siması və mavi gözləri ilə diqqət çəkir. İlk dəfə 2007-ci ildə internetə yüklədiyi videosu ilə məşhurlaşan gənc müğənni transseksual olduğu üçün tənqid hədəfinə tutulur. Daha sonra keçirdiyi estetik əməliyyatlardan sonra insanlar onun transseksual olduğuna inanmaqda çətinlik çəkiblər.

10. Kaytlin Cenner isə dünya üzrə Bülent Ərsoyla müqayisə edilə biləcək transseksuallardan biridir. Dünyaya kişi olaraq gələn bu məşhur porno ulduzun ögey atasıdır.