Biz qadınlar demək olar ki, hər gün makiyaj edirik. Gecə yatmadan öncə makiyajımızı təmizləsək də, dərimizə uyğun kremlərdən istifadə etsək də, bir müddət sonra dərimizin makiyaj üzündən yorulduğunu, rənginin tutulduğunu hiss etməyə başlayırıq. Bəzi xanımlar belə halda professional mərkəzlərə müraciət edərək bahalı proseduralar etdirirlər. Təbii ki, bu da bir üsuldur. Ancaq belə proseduraları tez-tez etditrməyə hər kəsin maddi imkanı və vaxtı imkan vermir.
Ona görə də makiyajın korladığı dərini ev şəraitində qidalandırıb gözəlləşdirməyin üsulunu təqdim edirik.
Türkiyənin məşhur kosmetoloqu Suna Dumankaya makiyajın üzə verdiyi fəsadları aradan qaldırmağın ən yaxşı üsulunu açıqlayıb.
Bunun üçün 2 xörək qaşığı manqo suyunu, 2 xörək qaşığı çiyələk suyu və 1 çay qaşığı vanil ilə qarışdırıb, üzərinə yarım limonun suyunu sıxmaq və içərisinə 1-2 ədəd buz atmaq lazımdır. Əldə etdiyiniz qarışımı makiyajınızı təmizlədikdən sonra üzünüzə çəkib masaj edin. Yarım saat sonra üzünüzü yuyub nəmləndirici kremlərinizi çəkin.
Bu tonik-maskanı hər gün yenidən hazırlamaq lazımdır. Saxlayıb sonra istifadə etmək olmaz.
