2023-cü ilin payızı qızılı, sarı və narıncı rənglərin yüksək qiymətləndirildiyi dövrdür. Qırmızı rəngin mövsümün əsas trendlərindən birinə çevrildiyini sizə xəbər vermişdik. Mövsümün digər trendi isə narıncıdır.
Heç şübhəsiz ki, düzgün rəng istənilən obrazı dəbli edə bilər.
Bəs soyuq mövsümdə bu çeşiddə hansı paltarları seçməliyik?
Yetişmiş manqo, naringi və yerkökü rənginə nəzər salın. Məhz bu zəngin çalarlar 2023-cü ilin payızında xüsusilə dəbli hesab olunur. Ancaq daha tutqun narıncı, qızılbalıq və tünd kərpic tonlarından qaçmaq tövsiyə edilir. Onlar kifayət qədər parlaq deyil və istənilən effekti yaratmayacaqlar.
2023-cü ilin payızında istənilən geyimin narıncı rəngini ala bilərsiniz. Bu rəngi qarderobunuza daxil etməyin ən asan yolu naringi sviter, uzunqol və ya köynək almaqdır. Yun və trikotaj əşyalarda dekorun olmamasına diqqət edin. Ancaq pambıq modelləri naxışlar bəzəyə bilər. Sadəcə naxışdakı çalarların məhsulun özünün rənginə uyğun olduğundan əmin olun. Narıncı şalvarlar da aktualdır. Naringi yun, trikotaj, neylon və dəri üzərində ən təsirli görünür. Yeri gəlmişkən, sonuncu parlaq ola bilər. Narıncı kurtka və paltolar da bu trendə daxil ola bilib.
Diqqət çəkməyi sevməyənlər üçün ən yaxşı çıxış yolu narıncı aksessuarlar ola bilər. Narıncı çalarların populyarlığı sayəsində bu cür məhsullar hər şeylə uzlaşa biləcək. Bu rəngli şlyapalar, şərflər və əlcəklər xüsusilə aktualdır. Naringi çantaları almaqdan çəkinməyin. Onlar dəri və ya neylondan hazırlana bilər. Ayaqqabılar da həmçinin.
Bu ton obrazı sözün əsl mənasında zənginləşdirəcək. Onu karamel, qum və krem çalarları ilə birləşdirin. Ancaq soyuq çalarların birləşməsindən çəkinmək daha yaxşıdır, naringinin onlarla “dostluğu alınmır”.
.jpg)
