“İşlə bağlı hələ konkret bir qərar verməmişəm, ancaq deyəsən, yay aylarınadək gözləyəcəm”, -Bu sözləri Sumqayıt Dövlət Dram Teatrından işdən çıxarılan xalq artisti Valeh Kərimov deyib.
O, yay tətilinə kimi işsiz qalmağının səbəbini belə açıqlayıb: “Hər yer “zanit”dir. Yay aylarında, yəqin ki, hər hansı bir məkanda işləməyə qərar verəcəm. Tələsmirəm, təki yaxşı yer olsun. Onsuz da, indi pensiya alıram, acından ölmərəm. Hər kəs bilməlidir ki, aktyor ac qala bilər, amma səhnəsiz, rolsuz yaşaya bilməz. Bunlar olmadan aktyor tez ölür”.
