Bu yay dəb bizə sadəliyi təlqin edir: rahatlıq və stil yenidən birləşir. Mövsümün əsas trendlərindən biri – şort və köynəkdən ibarət pijama dəstləri artıq stilstlərin küçə tərzində və “Instagram” səhifələrində hökmranlıq edir.
Beləliklə, bu dəbi təqdim edirik:
Yüngül parçalar, sərbəst siluetlər və “zahmetsiz şıklıq” ideal yay obrazı üçün lazım olan hər şey budur.
Niyə hamı “pijama” geyinir?
Bir zamanlar yalnız ev geyimi hesab edilən pijamalı stil indi küçələrə çıxıb.
Dəbli qadınlar kətan, pambıq və viskoza kimi təbii parçalardan hazırlanan şort və köynək dəstlərinə üstünlük verir və bu geyimləri:
gəzintiyə,
kafeyə,
hovuz kənarında ziyafətə,
hətta səyahətə geyinirlər.
Ulduzlar da artıq belə dəstləri öz yay bazalarına daxil ediblər.
Pijamalı dəsti şəhər mühitində necə geyinmək olar?
1) Aksesuarlarla vurğu yaradın
Çox “evdəymiş” kimi görünməmək üçün obrazınıza aşağıdakıları əlavə edin:
iri sırğalar
gün eynəyi
şlyapa
rotan və ya juta toxumasından çanta
Bu detallar sadə pijama dəstini şəhər obrazına çevirəcək.
.jpg)
2) Ayaqqabı ilə kontrast yaradın
Görüş və ya axşam tədbirinə gedirsinizsə, pijama dəstini:
topuqlu sandal,
və ya dəbli myule ilə tamamlayın.
Bu kontrast həm rahat, həm də təmtəraqlı görünüş yaradacaq.
3) Rəng və naxışlarla oynayın
Yay mövsümündə dəbdə olanlar:
pastel tonlar
zolaqlar
geometrik və çiçəkli naxışlar
Ancaq ağ və bej dəstlər ən universal variant sayılır – istənilən ayaqqabı və aksesuarla uyğunlaşır.
İstirahətə gedirsinizsə, kətan seçin
Dənizkənarı istirahət və ya sahildə gəzinti üçün kətan dəstlər ideal seçimdir:
Bədəni nəfəs almağa qoyur
İsti havada rahatdır
Eyni anda zövqlü və estetik görünür
Xədicə Əfqan
