Piylənmənin qarşısının alınması üçün hansı tədbirlər görülməlidir?
Tibb elmləri namizədi, qastroenteroloq Yekaterina Kaşux RT ilə söhbətində bu suala cavab verib.
“Çəki çox vaxt tədricən və nəzərə çarpmadan artır: pilləkənləri qalxanda nəfəs darlığı yaranır, adi paltarlar daralır. Ancaq ən təhlükəli piy yığılması daxili və orqanlar arasında olur. Bel ölçüsü də dolayısı ilə bunu göstərir. Kişilər üçün arzuolunmaz göstərici 102 sm-dən, qadınlar üçün – 88 sm-dən artıq ölçüdür.”- deyə həkim bildirib.
O, vurğulayıb ki, piylənmə ilə mübarizədə əsas amil radikal pəhrizlər deyil, davamlı sağlam həyat tərzi vərdişləridir.
Yekaterina Kaşux əlavə edib ki, kifayət qədər protein, tərəvəz və liflə balanslaşdırılmış pəhriz, fast food və şəkərli içkilərin azaldılması profilaktikanın əsasıdır.
Daimi fiziki fəaliyyət – hətta gündə 30 dəqiqə gəzinti riskləri əhəmiyyətli dərəcədə azaldır. Psixi sağlamlıq da vacibdir: xroniki stress və yuxunun olmaması maddələr mübadiləsini poza və həddindən artıq yeməyi təhrik edə bilər.
