Hər kəsin bəzən tək qalmağa ehtiyacı var. İş-güc, ev-eşik, uşaq-böyük, qohum-əqrəba bütün bunlar zaman-zaman bir qadının yorulmasına, həyatdan zövq almamasına gətirib çıxarda bilir.
Ona görə də bir qadının evdə tək qalanda nələr edə biləcəyini təxmin etmək elə də çətin deyil. Beləliklə, qadınların tək qaldıqları zaman nələr edə biləcəyini təqdim edirik:
İstədikləri qədər yemək yemək
Hər dəfə şokoladı doyunca yemək alınmır. Evdə tək qalanda qadınların istəyinə heç nə mane ola bilmir. Ürəkləri istədikləri qədər yeyirlər.
Mənasız televiziya proqramlarını izləmək
Hər bir qadın divana istədiyi kimi uzanaraq baxmağa vaxt tapmadığı, bəzən də tənqid etdiyi mənasız televiziya proqramlarını izləmək istəyər. Bu qısa vaxt əylənmək üçün bir vasitədir.
Musiqi dinləmək, mahnı oxumaq və doyunca rəqs etmək
Evdə heç kəs olmayanda qadınlar musiqinin səsini yuxarı qaldırmaq, doyunca rəqs etmək və oxumaq istəyirlər. Bu ən sevimli məşğuliyyətlərdən biridir.
Duş qəbul etmək
İstədiyiniz kimi bol köpüklü duş qəbul etmək, vücudu dinləndirmək, üz dərisi və bədən üçün maska çəkmək. Buna yox deyən qadını tapmaq olmaz.
Oxumağa vaxt tapmadıqları jurnal və ya kitabları oxumaq
Rahat bir yataqda uzanaraq istədikləri romanıə yarımçıq qoymadan bir nəfəsə oxumağı kim istəməz ki? Bir neçə səhifədən sonra yatmaq ehtimalı da var.
Tək oturaraq səssizliyin dadını çıxartmaq
Xüsusilə uşaqlı qadınlar üçün səssizlikdə oturub çay içmək göydən düşmə fürsətdir. Çoxları üçün bu adi gələ bilər. Amma qadınlar üçün səssiz və təmiz evdə oturmaq müalicə terapiyası deməkdir.
Alış-verişə çıxmaq
Tələsmədən istədikləri geyimi seçmək və istədikləri qədər paltarlara baxmaq qadınlar üçün inanılmaz fürsətdir.
Yatmaq
Bir qadın üçün yatmaq xoşbəxt olmağın ən gözəl yollarından biridir. Kişilər üçün bu adi ola bilər. Amma qadınlar üçün hər dəfə ələ keçməyən fürsətdir.
