Xəyanətin bu cür geniş yayılmasının səbəbləri bir çox mütəxəssislər tərəfindən araşdırılmış və müxtəlif nəticələr əldə edilmişdir. İndi isə sizə həmin bu araşdırmaların bəzilərinin nəticələri haqqında məlumat vermək istəyirik.
Araşdırmalara əsasən, qadınlar əsl sevgi, kişilər isə fərqli tərəf müqabili axtarışında olduqlarına görə xəyanət edirlər.
Türkiyəli psixoloq Serkan Özgün xəyanət edənin xəyanət edilən üzərindəki təsiri haqqında araşdırmasında bu nəticələrə gəlib:
“Araşdırmada iştirak edən 189 türk qadını həyat yoldaşları tərəfindən aldadılıblar, lakin bu hal təkrarlanmadığına görə onlar evliliklərini davam etdiriblər. Nəticədə, bu qadınların 34,4 faizində stres sonrakı əsəb pozğunluğunun əlamətləri müşahidə edilib. Bu göstəricilər isə gözləniləndən çox yüksəkdir. Bununla yanaşı psixoloqlar düşünürlər ki, xəyanət aşkarlandığı zaman etdiyi hərəkəti təsdiq edən insanların psixoloji vəziyyəti hər şeyi inkar edənlərin vəziyyətindən qat-qat yaxşıdır.
Araşdırmada yazda aldatma hallarının geniş yayılması məsələsinə də aydınlıq gətirilib. Psixoloq bildirib ki, yaz mövsümündə aldatma hallarının artmasının səbəbi günün uzanması və havanın isinməsi ilə əlaqədar, insanların daha sosial həyat keçirmələri ilə bağlıdır. Bu statistikaya əsasən, kişilərın aldatma faizi 20-40, qadınların isə 20-25 faiz olaraq göstərilir. /ailem.az/
P.S. Qeyd edək ki, bir neçə gün öncə "KİŞİLƏR NİYƏ XƏYANƏT EDİR?" mövzusunda yazı təqdim etmişdik. Həmin yazı ilə bu linkdə tanış ola bilərsiniz:
http://gencaile.az/kisi-3/kisi-ve-problemler/kisiler-niye-xeyanet-edir/
