22 noyabr 2025-ci il tarixində TelanGroup MMC-nin təşkilatçılığı ilə Hacıağa Abbasov adına Maştağa Mədəniyyət Mərkəzində 30 noyabr 2021-ci ildə – Qaraheybət faciəsində şəhidlik zirvəsinə ucalan kapitan Xəyyam Əlixan oğlu Əliyevin xatirəsinə həsr olunmuş “Səmaların Xəyyamı” adlı möhtəşəm anım tədbiri yüksək səviyyədə baş tutdu. Tədbirdə şəhid ailələri, qazilər, müharibə iştirakçıları, veteranlar, məktəb direktorları, müəllimlər, şagirdlər, ictimaiyyət nümayəndələri və şəhidin xidmət yoldaşları iştirak edirdilər.
Tədbir Dövlət Himni ilə açıldı
Anım mərasimi Azərbaycan Respublikasının Dövlət Himninin səsləndirilməsi ilə açıq elan olundu və şəhidlərin müqəddəs xatirəsi bir dəqiqəlik sükutla yad edildi.
Gülnarə Cəbiyevanın çıxışı tədbirə xüsusi rəng qatdı
Tədbirin təşkilatçısı, TelanGroup MMC-nin təsisçisi və direktoru Gülnarə Cəbiyeva qonaqları salamlayaraq tədbirin məqsədi və hazırlıq prosesi barədə məlumat verdi. Tədbirin aparıcısı Aytən Əliyeva şəhidin həyat yolunu əks etdirən təqdimatla çıxış edərək mərasimin emosional ab-havasını formalaşdırdı.
Duyğulu çıxışlar və sənət nümunələri tədbiri daha da yadda qalan etdi
Şəhid övladı Məzahir Fikrətoğlu Xəyyam Əliyevə həsr etdiyi mahnı ilə tədbirə duyğulu anlar yaşatdı.
TelanGroup MMC əməkdaşlarının təqdim etdiyi kiçik şeir kompozisiyası da xüsusi rəğbətlə qarşılandı.
AYB üzvü Sevda İbrahimli şəhidlərin müqəddəsliyindən söz açaraq dərin məzmunlu çıxışı ilə yadda qaldı.
Sosial Dövlət Naminə İctimai Birliyinin sədri Faiq Əhmədov səmimi və qəlbə toxunan çıxışı ilə tədbir iştirakçılarını duyğulandırdı.
Hərbi Orkestrin solisti, vokalçı, bir çox marş və vətənpərvərlik əsərlərinin müəllifi Anar İlhamlı Faiq Əhmədovun sözlərinə bəstələnmiş “Ölməzə ağlamazlar” mahnısını, həmçinin Sevda xanımın sözlərinə bəstələnmiş “İgidlər marşı”nı ifa edərək tədbirə xüsusi rəng qatdı.
Xidmət yoldaşlarının xatirələri
Dövlət Sərhəd Xidməti əməkdaşları və şəhidin xidmət yoldaşları Xəyyam Əliyevin mərdliyi və yüksək insani keyfiyyətləri haqqında çıxış etdilər.
Sabunçu rayon Veteranlar İctimai Birliyinin Maştağa üzrə sədri Mustafa bəy və birlik üzvləri də şəhidlərimizə həsr olunmuş çıxışları ilə tədbirdə yadda qaldılar.
Tədbir zamanı şəhid Xəyyam Əliyevin həyat və döyüş yolunu əks etdirən sənədli filmdən bir hissə nümayiş etdirildi və zalda duyğulu anlar yaşandı.
Qazi Malik Cəbiyevdən qürur dolu çıxış
Qazi Malik Cəbiyev (Naxçıvan Qazilər Birliyinin Veteranlar Şöbəsinin sədri, müharibə iştirakçısı) çıxış edərək şəhidin qəhrəmanlığından danışdı.
255 nömrəli məktəbin direktoru Mətanət xanım, 128 nömrəli məktəbin direktoru Sədaqət Əliyeva, həmçinin 322 nömrəli məktəbin müəllimləri adından Həmkarlar İttifaqı sədri çıxış edərək şəhidin igidliyini xüsusi vurğuladılar.
Suraxanı və Sabunçu rayonlarından olan şəhid və qazi ailələri də tədbirdə geniş şəkildə təmsil olunmuşdu.
Sənət adamlarının çıxışları tədbirə emosional ruh qatdı
Müğənni Vəsilə Quliyeva “Şəhidlər” mahnısını ifa edərək tədbirin emosional atmosferini daha da gücləndirdi.
“TELAN School”un baş psixoloqu, Tərəqqi Akademiyasının direktoru Fazilə Camalova, Şəhid Ailələrinə Yardım və Hüquqlarının Müdafiəsi İctimai Birliyi adından şəhidin anasına fəxri fərman təqdim etdi.
Şəhidin atası Əlixan Əliyevin çıxışı zalda dərin təsir yaratdı və hər kəsi duyğulandırdı.
Tədbirin sonunda müğənni Məzahir Fikrətoğlunun möhtəşəm ifasında səslənən “Qələbə” mahnısı ayaq üstə alqışlandı.
Təltiflər təqdim olundu
Tədbir çərçivəsində Sosial Dövlət Naminə İctimai Birliyi tərəfindən şəhidin atası Əlixan Əliyev, Sevda İbrahimli, Gülnarə Cəbiyeva, Aytən Əliyeva, Vəsilə Quliyeva və Malik Cəbiyev fəxri fərman və “Qarabağ Azərbaycandır” medalı ilə təltif olundular.
—
Şəhid Xəyyam Əliyevin ruhu şad olsun!
Allah bütün şəhidlərimizə rəhmət eləsin!
Qarabağ Azərbaycandır!
Gülnarə Cəbiyeva
Pedaqoq, beynəlxalq dərəcəli təlimçi
TELAN GROUP MMC-nin təsisçi direktoru
